Raerhkeme
Dan vystove-tijjen bovtse bårrene. Bïegke-raejkien vuelkieh. Hel gosse ohtje njæssoe aaj, dellie enn verkebe vualka. Vuelkieh dan gåhkese dovne jeatjh sïjtide. Jïh die mestieh jeatjh sïjten bovtsese. Dellie gosse tjaktje doekoe gosse die leah dellie almetjh sijjen krievviem tjöönghkeme, dellie fihkieh gïehtjedidh; dellie fihkieh vuejnedh man jeenje jeatjh sïjten krïevvh leah masteme. Gosse dan jeenje lea masteme såå die ohtje tsåeptsele, dellie gåarede raerhkedh. Dellie pruvhkieh healsoehtidh gaskemsh ahte gelkieh dalvedh jih raerhkedh.
Voestegh dellie badth gïertem stealladidh öörnege giedtie-raadtan. Dellie jïenehkem pruvhkieh vuejiehtidh giedtien sïjse. Voestegh pruvhkieh låemtemes krïevvh giesedh gïerten sïjse. Jïh die numhtie maehtieh raerhkedh abpe biejjiem. Gosse eah aktene biejjesne vitnh gih, dellie pruvhkieh tjåadtjoehtehtedh mubpien beajjan. Jïh die dellie luejhtedh gïerten sistie. Dellie vuejiehtidh sov laantese.
Gaaltije
Bergsland, K. (1987). Gåebrehki soptsesh. Universitetsforlaget.