Som ambulansearbeidar må du vere klar til å dra ut for å transportere pasientar under alle vêr- og føretilhøve og til alle tider på døgnet. I tillegg til samarbeid med pasient og pårørande krev jobben samhandling med anna helsepersonell og andre nødetatar.
For å kunne nytte yrkestittelen ambulansearbeidar må du ha autorisasjon frå Helsedirektoratet. Det er òg krav om helseattest, og dei fleste helseføretaka gjennomfører fysiske opptaksprøver ved tilsetjing av både lærlingar og ambulansearbeidarar For å ta kompetansebevis for utrykkingskøyring (kode 160) må du ha fylt 20 år og hatt førarkort for personbil klasse B samanhengande dei siste to åra.
Utfordringar til deg
Sjå filmen og bruk lenkjene under til å svare på desse spørsmåla.
- Korleis er det ordinære utdanningsløpet for å bli ambulansearbeidar?
- Kva for eigenskapar er naudsynte i dette yrket?
- Kva er vanlege arbeidsoppgåver for ein ambulansearbeidar?
- Kva for moglege arbeidsstader kan du finne for ein ambulansearbeidar?
- Kvifor er det viktig å tenkje på ergonomi og HMS i jobben som ambulansearbeidar?
Sjå ambulansearbeidaren i aksjon i episode 2 i NRK-serien 113.
Relatert innhald
Nettside hos vilbli.no