Oppgåve
Stell av føter
Godt stell av føtene er viktig for god fothelse og for å førebyggje plager og ubehag. Nokre menneske går jamleg til fotterapeuten for behandling eller pleie av føtene, medan andre helst overser føtene eller unngår stell av dei.
Bilete: Stennbuch Bethen / CC BY-NC-SA 4.0
- Kva trur du er grunnen til at mange opplever føter som veldig private?
Gjer ei spørjeundersøking blant medelevar, og lag eit diagram som viser:
- Kor mange har vore hos fotterapeut?
- Kor mange kan tenkje seg å prøve det?
- Kor mange synest det er godt å få føtene sine stelte av nokon andre?
- Kor mange liker ikkje å få stelt føtene av andre?
Finn ut kor mange fotterapeutar som jobbar i kommunen eller bydelen din.
- Kva behandlingar tilbyr dei?
- Kor mange tilbyr behandling heime hos kundar eller på institusjonar?