Rekningsartar

Når vi adderer, får vi ein sum. Tala før og etter addisjonsteikna blir kallaledd.

$\underset{\mathrm{ledd}}{\underbrace{3x}}+\underset{\mathrm{ledd}}{\underbrace{x}}+\underset{\mathrm{ledd}}{\underbrace{2}}=\underset{\mathrm{sum}}{\underbrace{4x+2}}$

Når vi subtraherer, får vi ein differanse. Tala før og etter subtraksjonsteikna blir kalla ledd.

$\underset{\mathrm{ledd}}{\underbrace{30}}-\underset{\mathrm{ledd}}{\underbrace{10}}=\underset{\mathrm{differanse}}{\underbrace{20}}$

Når vi multipliserer, får vi eit produkt. Tala før og etter multiplikasjonsteikna blir kalla faktorar.

$\underset{\mathrm{faktor}}{\underbrace{2}}·\underset{\mathrm{faktor}}{\underbrace{3}}·\underset{\mathrm{faktor}}{\underbrace{x}}=\underset{\mathrm{produkt}}{\underbrace{6x}}$

Når vi dividerer, får vi ein kvotient. Divisjonsteiknet kan også skrivast som brøkstrek. Tala over og under brøkstreken blir kalla høvesvis for teljar og nemnar.

$4:2=\frac{\stackrel{\mathrm{teljar}}{\overbrace{4}}}{\underset{\mathrm{nemnar}}{\underbrace{2}}}=\underset{\mathrm{kvotient}}{\underbrace{2}}$

Lær deg omgrepa som blir brukt i dette avsnittet! Hugs at i ein brøk er teljaren "på toppen" og nemnaren "nede".