Opplæringa skal utvikle evna til å planleggje, gjennomføre og vurdere arbeid med lausmassar. Det blir lagt stor vekt på korleis lausmassar blir brukte til å byggje byggjegroper og fundament. Krav til drenering, frostsikkerheit og lausmassane si evne til å vere stabile under alle vêrforhold og påkjenningar, er viktige moment i opplæringa. Sikkerheita til andre er også viktig. Ras og utgliding er vanlege risikomoment i alt arbeid med lausmassar.