Golv på grunn

Grav ut fine lausmassar som matjord og leire. Kor mykje som blir grave ut, er avhengig av kva slags massar tomta består av. Dersom det er grove massar, som stein, er det lite behov for utgraving. Å grave bort 500 mm er vanleg.

Etter gravinga blir det etablert ein byggjegrunn ved at det blir fylt på med grove drenerande massar, som pukk. Denne byggjegrunnen er eigna til å bere huset.

Dreneringsrøyr fører vatnet som kjem ned i byggjegrunnen, bort frå tomta. Ofte blir dreneringsrøyra kopla saman med det kommunale avløpssystemet. Vatn som blir ståande i byggjegropa, kan fryse og gi teleskadar.

Vi legg markisolasjon i bakken for å hindre at det blir tele i byggjegrunnen.

Vi byggjer fundament og ringmur av betong eller stein. Det er grunnmuren som veggane i huset blir bygde på.

Vi må isolere godt under golvet. Vi kan støype golvet av betong, eller vi kan leggje golvplater direkte på isolasjonen.

Klikk på teikninga under for å sjå eit døme på korleis eit bygningsfundament kan isolerast for å motverke tele.