HMS for taktekkjaren

Ein taktekkjar som arbeider på tak, skal vere sikra ved bruk av stillas og rekkverk. Ofte er bruk av fallselar mest føremålstenleg når det manglar rekkverk der taktekkjaren arbeider. For taktekkjaren er derfor fallselar ein sjølvsagt del av det personlege verneutstyret.

Ved varme arbeid som sveising av takbelgg er det eit krav om minimum 2 stk 6 kg ABC handsløkkjeapparat, eller 25 mm vasslange med påsett trykk. Sløkkjemiddel skal vere lett tilgjengelege og plasserast føremålstenleg så nær arbeidsstaden som mogleg.

Ettersyn

Etter at arbeidet er avslutta, skal det gjerast grundig ettersyn av arbeidsstaden. Der det er brennbare material med fare for ulmebrann, skal brannvakt halde staden under oppsikt i minst 1 time etter at det varme arbeidet er avslutta.

Sertifikat

Varme arbeid krev eit eige kurs og gyldig sertifikat. Sertifikatet er gyldig i 5 år og må deretter fornyast.