For at vi skal byggje hus, vegar, kraftverk og alt anna vi har behov for, trengst det mange forskjellige yrke. Her presenterer vi mange av yrka. Du får vite kva dei forskjellige handverkarane gjer. Vi viser noko av den grunnleggjande kunnskapen som trengst for å arbeide i byggjebransjen.

Parkar, hageanlegg, idrettsanlegg, kyrkjegardar, gågater, leikeområde og uteområde ved bustader eller offentlege bygg er døme på nyanlegg som anleggsgartnaren jobbar med. Grøne tak blir meir og meir vanleg. I dette emnet lærer du om nokre arbeidsoppgåver i samband med etablering av nye uteanlegg.