For at vi skal byggje hus, vegar, kraftverk og alt anna vi har behov for, trengst det mange forskjellige yrke. Her presenterer vi mange av yrka. Du får vite kva dei forskjellige handverkarane gjer. Vi viser noko av den grunnleggjande kunnskapen som trengst for å arbeide i byggjebransjen.

Anleggsgartnaren jobbar både med nyanlegg og med drift og vedlikehald av eksisterande uteområde. Yrket inneber arbeid med både den tekniske («grå») anleggsdelen og den biologiske («grøne») delen med etablering og stell av planta felt. Her lærer du om utdanninga og anleggsgartnarbransjen.