Bruk punkta nedanfor til å vurdere ferdigheitene dine innan områda "Kjeldesøk og navigasjon".

Strålande

• Du bruker presise fagomgrep, også på engelsk når det er nødvendig, og varierer søkjeord.
• Du bruker systematisk "avansert søk" i fleire søkjemotorar og databasar.
• Du planlegg kjeldesøket og dokumenterer søket ditt undervegs.
• Du går deg ikkje bort i søket. Du tar deg heller pausar.

Kompetent

• Du har oversikt over, og bruker, fagomgrep som søkjeord.
• Du finn nye søkjeord og prøver også med engelske omgrep.
• Du held fram søket og undersøkjer fleire kjelder for kvart søk.
• Du kjenner til og bruker nokre søkjemotorar og databasar.
• Du prøver å følgje planen for kjeldesøket og går tilbake til han viss du ramlar ut.

På veg

• Du bruker nokre fagomgrep som søkjeord.
• Du varierer bruk av søkjeord.
• Du bruker nokre kjelder til å skaffe deg oversikt og nokre for å gå djupare inn i tema.
• Du planlegg søket, men synest det er vanskeleg å følgje planen.
• Du følgjer med på når du går deg bort og veit kva du skal gjere for å komme på sporet igjen.

Nybegynnar

• Du gjer enkle søk på Google.
• Du går deg ofte vill og avsluttar søket med uforetta sak.