Arbeidsoppdrag
Organisasjon X - ditt eige forskingsprosjekt om arbeidsmiljø
Kva meiner ein tilsett om arbeidsmiljøet der hen jobbar, og kva kjenneteiknar det fysiske og psykososiale arbeidsmiljøet på arbeidsplassen?
Representantar for forskjellige yrkesgrupper. Bilete: Andriy Popov / CC BY-NC 4.0
Her skal du prøve deg på eit lite forskingsprosjekt. Viss du har ein jobb sjølv, kan du gjerne ta utgangspunkt i din eigen arbeidsplass. Du kan også ta utgangspunkt i ei gruppe tilsette ved skulen, til dømes kan du spørje dei som jobbar med reinhald, administrativt tilsette, eller lærarane. Ta utgangspunkt i nærmiljøet ditt, der det kan vere enklare å finne nokon som vil la seg intervjue og ein arbeidsplass du kan besøke for å observere.