HMS handlar om å vareta helsa og sikkerheita til både seg sjølv og andre. Dette omfattar arbeidsmiljø, kvalitet på produkt og tenester, dyrevelferd og miljøomsyn knytte til utføringa av arbeidsoppgåver.

Med S-en i HMS-omgrepet meiner vi sikkerheit for person, prosess og produkt. I HMS-samanheng blir ordet ofte nytta i samband med hendingar. Med hendingar meiner vi akutte situasjonar, enkeltsituasjonar eller enkeltjobbar som skal gjerast.