Grammatikk: Refleksive verb

Kva er refleksive verb?

Refleksive verb består av to ord:

1. eit verb (vaske, sminke, gle osv.)

2. eit refleksivt pronomen (meg, deg, seg osv.)

Det refleksive pronomenet viser alltid tilbake til subjektet:

• Eg vaskar meg. (Meg viser tilbake til eg.)

• Ho sminkar seg. (Seg viser tilbake til ho.)

• Vi gler oss. (Oss viser tilbake til vi.)

Øving 1

Refleksive verb i tysk

Tysk har òg refleksive verb. Mange refleksive verb i tysk er refleksive også i norsk:

• sich waschen (å vaske seg)

• sich schminken (å sminke seg)

• sich freuen (å gle seg)

Legg merke til at det refleksive pronomenet blir sett framfor verbet når det står i infinitiv. Når verbet er bøygd, står pronomenet på same plass som i norsk:

• Ich wasche mich. (Eg vaskar meg.)

• Sie schminkt sich. (Ho sminkar seg.)

• Wir freuen uns. (Vi gler oss.)

Øving 2

Match subjekt og rett refleksivt pronomen. Får du det til?

Refleksive pronomen

Lær deg dei refleksive pronomena på tysk. Dei fleste liknar ganske mykje på dei norske.

Øving 3

Øv på nokre refleksive verb.

Øving 4

Jobb saman to og to.

1. Elev A les den tyske setninga høgt, elev B omset til norsk. Snu kortet og les fasiten høgt. Hald fram med neste kort og byt roller.

2. Trykk på pilene for å komme tilbake til start. No omset de dei norske setningane til tysk! A les den norske setninga høgt, og B omset. Bruk tipsa om de treng det. Snu kortet. B les fasiten høgt. Gå vidare og byt roller igjen.

Laust samansette verb

Nokre refleksive verb er i tillegg laust samansette: sich anziehen, sich vorstellen. Hugs at partikkelen (an, vor) skal stå sist i setninga:

Øving 5

Øv på å bruke desse verba i presens:

• sich anziehen

• sich vorstellen

• sich verschlafen

• sich unterhalten

Dei to første er laust samansette, dei to siste blir alltid skrivne som eitt ord. Skikkeleg hjernetrim!

Øving 6

No er det tid for litt leik! Gå saman med ein medelev.

• Skriv verba frå lista nedanfor på lappar og brett lappane saman.

• Elev A trekker ein lapp og mimar det som står på lappen, mens elev B gjettar:

  • Elev B: Schminkst du dich? / Du schminkst dich!

  • Elev A: Ja, ich schminke mich. / Nein, ich schminke mich nicht.

• Byt roller og hald fram med neste lapp.