Fagstoff

Oppgåve

Interaktivt innhald

Grammatikk: Nominativ og akkusativ

Du har kanskje høyrt at tysk er eit kasusspråk. Kva betyr det eigentleg? Lær litt om kasusbøying, og bli kjent med to kasus: nominativ og akkusativ.

Kva er kasus?

Tysk er eit kasusspråk. I språk med kasus kan ord få ulike endingar eller former som viser kva funksjon dei har i setninga. Med funksjon meiner vi om dei er subjekt, direkte objekt, indirekte objekt eller predikativ.

Døme

Tyske eigedomsord (mein, dein osv.) har kasusbøying:

Mein Hund heißt Bello. Hunden min heiter Bello.
Ich liebe meinen Hund! Eg elskar hunden min.

"Mein Hund" er subjekt i setning A, "meinen Hund" er direkte objekt i setning B.

Kasus i norsk

Norsk er i slekt med tysk, og også norsk var ein gong eit kasusspråk. Over tid har dei to språka utvikla seg ulikt, og i dag er det berre nokre få kasusformer igjen i norsk.

Men fleire personlege pronomen har framleis ulike subjekts- og objektsformer. Vi skil til dømes mellom eg (subjekt) og meg (objekt), du (subjekt) og deg (objekt), osv.

Øving 1

Analyser setningane. Finn verbal (V), subjekt (S) og direkte objekt (DO).

Du elskar meg.
Eg elskar deg.
Kjenner vi dei?
Dei kjenner oss.

Fasit

Analyse av setningane

Du er subjekt, elskar er verbal, meg er direkte objekt.
Eg er subjekt, elskar er verbal, deg er direkte objekt.
Kjenner er verbal, vi er subjekt, dei er direkte objekt.
Dei er subjekt, kjenner er verbal, oss er direkte objekt.

Kvinne slår mann i ansiktet. Illustrasjon. — Eit "slåande" døme på subjekt og objekt! (Men neppe den beste forma for konflikthandtering)

Nominativ og akkusativ

Tysk har fire kasus, og du skal no lære om to av dei: nominativ og akkusativ.

Nominativ er forma til subjektet og predikativet. Det er denne forma du finn når du slår opp i ordlister og ordbøker.
Akkusativ er forma til det direkte objektet.

Personlege pronomen i nominativ og akkusativ

Tyske personlege pronomen har kasusbøying, akkurat som dei norske. Gå gjennom tabellen under og lær deg alle pronomenformene før du held fram med oppgåvene.

Personlege pronomen i nominativ
	nominativ	akkusativ	norsk
første person eintal	ich	mich	eg – meg
andre person eintal	du	dich	du – deg
tredje person eintal	er	ihn	han – han
tredje person eintal	sie	sie	ho – henne/ho
tredje person eintal	es	es	det – det
første person fleirtal	wir	uns	vi – oss

Øving 2

Artiklar og eigedomsord

I tysk har artiklar og eigedomsord kasusbøying. Om du er trygg på nominativformene, får du ein grei jobb. Det er nemleg berre ved hankjønnsord i eintal du må passe på. Elles har artiklar og eigedomsord lik form i nominativ og akkusativ.

Gå gjennom tabellen og repeter kort.

bestemt artikkel
	hankjønn	hokjønn	inkjekjønn	fleirtal
nominativ	der	die	das	die
akkusativ	den	die	das	die

Ubestemt Artikkel og eigedomsord
	hankjønn	hokjønn	inkjekjønn	fleirtal
nominativ	ein, mein	eine, meine	ein, mein	---
akkusativ	einen, meinen	eine, meine	ein, mein	meine

Øving 3

I setningane under finn du setningsledda der Hund, einen Hund, mein Hund og ein Dackel.

Kva kasusformer er dette?
Og kva setningsledd er det snakk om?

Setningar til analyse

Der Hund trinkt Wasser. Hunden drikk vatn.
Ich habe einen Hund. Eg har ein hund.
Mein Hund ist ein Dackel. Hunden min er ein dachshund.

Svar

I setning A er der Hund subjekt, og uttrykket står derfor i nominativ.
I setning B er einen Hund direkte objekt, og uttrykket står derfor i akkusativ.
I setning C er mein Hund subjekt, og uttrykket står derfor i nominativ. Ein Dackel er predikativ, og uttrykket står derfor i nominativ.

Analyser den norske setninga: Finn verbal, subjekt og direkte objekt.
Omsett setninga til tysk. Vel i-ikonet om du treng å vite kjønnet på dei tyske substantiva.
Snu kortet og les fasiten høgt.

Øving 7

Ta testen for å sjå kor mykje du no kan om setningsledd, nominativ og akkusativ.