Fagstoff

Oppgåve

Interaktivt innhald

Grammatikk: Modale hjelpeverb

Å måtte, å vilje, å kunne osv.: Lær om modale hjelpeverb i norsk og tysk.

Muss ich das alles lesen?

Må eg lese alt dette?

Sjokoladebitar stabla på kvarandre. Foto.

Darf ich ein Stück Schoko nehmen?

Får eg ta ein sjokoladebit?

Ein mann med ein amputert arm i svømmehallen. Foto

Er kann schwimmen.

Han kan svømme.

Kvinne ligg og søv på bøkene sine. Foto.

Sie will schlafen.

Ho vil sove.

Kva er modale hjelpeverb?

Modale hjelpeverb står som regel saman med eit hovudverb i infinitiv:

Ich muss gehen. Eg må gå. / Eg er nøydd til å gå.
Du kannst schwimmen. Du kan svømme. / Du er i stand til å svømme.

Bruk og betydning

Modale hjelpeverb kan for eksempel uttrykke

eit ønske: Eg vil bli flink i tysk.
ei plikt: Du må gå tur med bikkja kvar onsdag.
eit forbod: De må ikkje ete opp all sjokoladen!
ei befaling: Mor seier at du skal gå og tømme søpla.
eit løyve: Ho får dra på kino saman med gjengen.
ei evne eller ferdigheit: Er det sikkert at han kan svømme?
ei antaking: Det kan stemme at han er 18 år.
eit forslag: Skal vi gjere lekser saman?

På tysk har vi til saman seks modale hjelpeverb. Mögen (å like) har du allereie jobba litt med. Dei andre modale hjelpeverba er dürfen (å få lov til), können (å kunne), müssen (å måtte), sollen (å skulle/burde) og wollen (å vilje). No skal vi sjå nærmare på alle saman.

modale hjelpeverb i presens
infinitiv	dürfen	können	mögen	müssen	sollen	wollen
ich	darf	kann	mag	muss	soll	will
du	darfst	kannst	magst	musst	sollst	willst
er, sie, es	darf	kann	mag	muss	soll	will
wir	dürfen	können	mögen	müssen	sollen	wollen
ihr	dürft	könnt	mögt	müsst	sollt	wollt
sie/Sie	dürfen	können	mögen	müssen	sollen	wollen

Øving 1

Modale hjelpeverb treng du ofte når du snakkar og skriv. Derfor er det lurt å pugge dei. Gå i gang!

Øving 2

Kan du bøye modale hjelpeverb no? Test deg sjølv!

Øving 3

Skriv inn rett form at det modale hjelpeverbet.
Les setningane høgt og sett dei om til norsk.

Fasit til del B

Får du bli med?
Nei, eg får dessverre ikkje bli med.
Vi får lov til å gå på kino i kveld.
Får de òg lov til å gå på kino i kveld?
Han får lov til å dra til Kroatia med Jan.
Vi kan dessverre ikkje bli med.
Jan kan hjelpe meg.
Vennene kan snakke opent med kvarandre.
Kva kan eg gjere for deg? (Kva kan eg hjelpe deg med?)
Kan du sende meg smøret?
Eg må førebu ein presentasjon til i morgon.
Du er berre nøydd til å bli med!
Vi må spørje foreldra våre.
Må Lena pugge gloser i kveld?
De må besøke bestemor i kveld.

Plasser infinitiven på rett stad!

Når ei setning inneheld eit modalt hjelpeverb og eit hovudverb i infinitiv, utgjer dei to verbformene saman verbalet i setninga. Vi seier då at setninga har samansett verbal.

Men det er éin viktig forskjell mellom tysk og norsk: I tyske heilsetningar står infinitiven heilt til slutt. Det gjer han ikkje i norsk. Samanlikn eksempelsetningane:

Eksempelsetningar
type setning	tysk	norsk
forteljande setning	Du kannst nach Hause gehen.	Du kan gå heim.
	Wir dürfen heute Würste grillen.	Vi får lov til å grille pølser i dag.
spørjesetning	Wollt ihr mit uns mitfahren?	Vil de køyre med oss?
	Musst du heute arbeiten?	Må du jobbe i dag?

For språknerdar

Ein liten kommentar til setninga "Wir dürfen heute Würste grillen":

Infinitiv, første person fleirtal (wir) og tredje person fleirtal (sie) av eit verb har same ending, -en:
- (zu) grillen, (zu) dürfen
- wir grillen, wir dürfen
- sie grillen, sie dürfen
Kvifor veit vi likevel at grillen er infinitiven (å grille) i setninga? Jo, fordi
- setninga også inneheld eit modalt hjelpeverb. Då er det det modale hjelpeverbet som er bøygd (og ei setning kan berre ha eitt bøygd verb)
- grillen står heilt til slutt i setninga, og der skal infinitiven stå i setningar med modale hjelpeverb

Finn ut!

Kva verb i eksempelsetningane er bøygde i presens? Og kva verb står i infinitiv?

Wir arbeiten.
(Vi jobbar.)
Wir müssen arbeiten.
(Vi må jobbe.)
Wann kommt Adrian?
(Når kjem Adrian?)
Ich mache heute Frühstück.
(Eg lagar frukost i dag.)
Können die Kinder schwimmen?
(Kan barna svømme?)
Darf ich ein Eis essen?
(Får eg lov til å ete ein is?)

Lösung

arbeiten – bøygd (samsvarer med subjektet "wir")
müssen – bøygd, arbeiten – infinitiv
kommt – bøygd (samsvarer med subjektet "Adrian")
mache – bøygd (samsvarer med subjektet "ich")
können – bøygd, schwimmen – infinitiv
darf – bøygd, essen – infinitiv

Øving 4

Setningar med modalt hjelpeverb

Tips

Viss setninga inneheld informasjon om både tid og stad for handlinga: først tid, så stad.

Hugsar du?

Laust samansette verb skriv vi som to ord i presens: ich stehe auf, du kommst mit
Infinitivsforma av laust samansette verb skriv vi som eitt ord: aufstehen, mitkommen

Øving 5

Jobb gjerne i par.

Les setninga på kortet høgt og sett ho om til norsk. Vel i-ikonet for å sjekke omsettinga.
Gjer om setninga ved å legge til müssen. Eksempel:
- Anna steht früh auf.
- Same setning, men med müssen: Anna muss früh aufstehen.
Snu kortet og samanlikn svaret ditt med setninga som står på baksida.

Dürfen, können og müssen

Können bruker vi på omtrent same måten i norsk og tysk, men du må lære deg korleis du bruker dürfen og müssen rett.

Kva betyr dei modale hjelpeverba?
betydning	tysk	norsk
moglegheit, antaking	Das kann stimmen.	Det kan stemme.
evne, ferdigheit	Wir können schwimmen.	Vi kan svømme.
løyve	Ihr könnt jetzt Pause machen.	De får ta pause no.
løyve	Sie darf mitkommen.	Ho får (lov til å) bli med.
forbod	Er darf nicht mitkommen.	Han får ikkje (lov til å) bli med.
plikt	Ich muss Gitarre üben.	Eg må øve på gitaren.
å sleppe ei plikt	Du musst nicht üben.	Du treng ikkje øve.
antaking	Der Baum muss sehr alt sein.	Treet må vere veldig gammalt.

Øving 6

Øv på verba können, müssen og dürfen.

Øving 7

Sett om setningane til norsk. Kva kan modalverbet i setningane uttrykke?

Können wir eine Pause machen?
Ola kann sehr gut Deutsch sprechen.
Ab 16 darf man in Deutschland Wein und Bier trinken.
Ihr müsst auf die Prüfung lernen.
Kinder dürfen nicht rauchen.
Wo kann man hier einen Kaffee trinken?
Ich muss um 22 Uhr zu Hause sein.
Du musst nicht aufessen.

Fasit

Kan/får vi ta ein pause? (få lov eller høve til noko)
Ola er flink til å snakke tysk. (ferdigheit, evne)
Frå ein er 16 får ein i Tyskland lov til å drikke vin og øl. (løyve)
De må lese til prøva. (plikt)
Barn får ikkje lov til å røyke. (forbod)
Kvar kan ein ta ein kaffi her? (moglegheit)
Eg må vere heime kl. 22. (plikt)
Du treng ikkje å ete opp. (plikt som du slepper)

Bruk av sollen og wollen

Dei modale hjelpeverba sollen og wollen blir ikkje brukt heilt likt i tysk og norsk:

Kva betyr dei modale hjelpeverba?
betydning	tysk	norsk
ordre, befaling	Mutter sagt, du sollst sofort kommen!	Mor seier at du skal komme med éin gong!
antaking	Sie soll sehr nett sein.	Ho skal vere / er visstnok veldig hyggeleg.
oppfordring	Sollen wir zusammen lernen?	Skal vi lese lekser saman?
sterkt ønske	Ich will Deutsch lernen.	Eg vil lære tysk.
sterk motvilje	Ich will nicht nach Hause gehen!	Eg vil ikkje gå heim!

Sollen og wollen kan ikkje brukast for å uttrykke framtid slik som i norsk. For å uttrykke framtid bruker tyskarane tidshjelpeverbet werden. (Det lærer du om seinare.) Eller dei bruker heilt enkelt presens og eit tidsledd som fortel når noko skal skje:

Wir kommen morgen zu dir. Vi kjem til deg i morgon.
Im Sommer fahren wir nach Italien. Til sommaren dreg vi til Italia.