Grammatikk: Gradbøying
Der Fisch ist lecker!
Ich finde, die Frikadellen sind noch leckerer!
Adjektiv
Adjektiv er ord som beskriv ein eigenskap ved nokon eller noko. Dei fleste adjektiva kan gradbøyast. Vi skil mellom tre gradar: positiv, komparativ og superlativ.
Positiv er grunnforma: god, gammal, flittig, suksessfull
Komparativ uttrykker ein sterkare grad: betre, eldre, flittigare, meir suksessfull
Superlativ uttrykker den sterkaste graden: best, eldst, flittigast, mest suksessfull
Komparativ av tyske adjektiv
Også tyske adjektiv har gradbøying.
Dei fleste tyske adjektiva dannar komparativ ved hjelp av endinga -er.
Nokre adjektiv får i tillegg vokalskifte i komparativ, til dømes alt.
Nokre adjektiv har heilt uregelmessig komparativ, til dømes gut.
positiv (grunnform) | komparativ (høgare grad) |
|---|---|
| alt | älter |
| kul | cooler |
| erfolgreich | erfolgreicher |
| faul | fauler |
| fleißig | fleißiger |
| früh | früher |
| groß | größer |
| gut | besser |
| jung | jünger |
| lang | länger |
| lecker | leckerer |
| sauer | saurer |
| schlecht | schlechter |
| schnell | schneller |
| selten | seltener |
| spät | später |
| süß | süßer |
Finn ut!
Omsett adjektiva i tabellen over til norsk.
Korleis blir norske adjektiv gradbøygde?
Kan norske adjektiv ha vokalskifte?
Kan norske adjektiv ha heilt uregelmessig gradbøying?
Øving 1
Øv på komparativformene!
Adverb som kan gradbøyast
Det finst òg nokre adverb som kan gradbøyast. I tabellen under finn du nokre døme.
positiv (grunnform) | komparativ (høgare grad) | norsk |
|---|---|---|
| viel | mehr | mykje – meir |
| wenig | weniger | lite – mindre |
| oft | öfter | ofte – oftare |
| gern | lieber | gjerne – heller |
Øving 2
Skryt i veg!
Jobb i par. A les opp setninga på framsida og omset ho. B seier på tysk at hen er endå flinkare, kulare osv. Døme:
Lenas Hamster ist süß. Hamsteren til Lena er søt.
Mein Hamster ist aber noch süßer! Men min hamster er endå søtare!
Det er mein og noch som skal ha trykk i setninga.
Samanlikningar
Når vi samanliknar eigenskapar ved ein person eller ting, er resultatet vanlegvis eitt av to: likskap eller ulikskap. Slik samanliknar vi på tysk:
Tom ist so groß wie ich. Tom er så høg som eg/meg.
Tom ist gleich groß wie ich. Tom er like høg som eg/meg.
Tom ist größer als ich. Tom er høgare enn eg/meg.
Om vi vil understreke likskapen eller ulikskapen, kan vi seie:
Tom ist genauso groß wie ich. Tom er nøyaktig like høg som eg/meg.
Tom ist viel größer als ich. Tom er mykje høgare enn enn eg/meg.
Øving 3
Rett rekkefølge i setningar. Du kan gjere øvinga skriftleg eller munnleg. Eller begge delar!
Øving 4
Samanlikningar
Finn ein samtalepartnar, spør kvarandre om alder og samanlikn. Finn deretter ein annan partnar og spør kvarandre på nytt. Byt fem–seks gonger. (Det er lov å juge litt på alderen! Då får de samtidig øvd på tala.)
Hallo! Wie alt bist du?
Ich bin fünfzehn / sechzehn / siebzehn / achtzehn.
O, da bist du jünger als ich. Ich bin 18.
O, da bist du älter als ich. Ich bin 16.
O, da bin ich so alt wie du. Ich bin auch 15 / 16 / 17 / 18.
Øving 5
Sett om til tysk. Tipsa kan hjelpe deg!