Grammatikk: Eigedomsord i akkusativ
Kva er akkusativ?
I tysk er akkusativ forma til det direkte objektet i ei setning. Forma til subjektet kallar vi nominativ.
Treng du å friske opp kunnskapane om setningsledd? Ta ein kikk på øvingssida om setningsanalyse.
Finn ut!
Sjå på eksempelsetningane under.
Kva setningsledd er mein Hund i den første setninga?
Kva setningsledd er meinen Hund i den andre setninga?
Kva kasusform er mein Hund?
Kva kasusform er meinen Hund?
Eksempelsetningar
Mein Hund hat Zahnstein. (Hunden min har tannstein.)
Die Tierärztin untersucht meinen Hund. (Dyrlegen undersøker hunden min.)
Nominativ og akkusativ av eigedomsord
Eigedomsord blir bøygde som den ubestemte artikkelen ein.
Nominativ- og akkusativformene er stort sett like, med eitt unntak: Ved hankjønnsord i eintal får eigedomsordet endinga -en.
hankjønn | hokjønn | inkjekjønn | fleirtal | |
|---|---|---|---|---|
nom. | ein Hund mein Papagei | eine Ratte meine Katze | ein Kaninchen mein Pferd | keine Hunde meine Pferde |
akk. | einen Hund deinen Papagei | eine Ratte deine Katze | ein Kaninchen dein Pferd | keine Hunde deine Pferde |
Øving 1
Kva er rett akkusativform?
Tips: Sjå på den bestemte artikkelen (der, die, das) framfor substantivet. Han fortel deg kva kjønn substantivet har.
Øving 2
Sjekk om du hugsar kva endingar eigedomsord får i nominativ og akkusativ.
Øving 3
Hugsar du dei tyske pronomena og eigedomsorda?
Omsett orda i tabellen til tysk.
Sjekk så mot fasiten, og repeter former du ikkje hugsa så godt.
Jobb gjerne to og to og spør kvarandre.
personleg pronomen | eigedomsord | |
|---|---|---|
| 1. person sg. | eg | min |
2. person sg. | du | din |
| 3. person sg. | han ho det | hans / sin hennar /sin dets / sin |
| 1. person pl. | vi | vår |
| 2. person pl. | de | dykkar |
| 3. person pl. | dei | deira / sin |
Øving 4
Øv på eigedomsorda i nominativ og i akkusativ.
Pass på!
Eigedomsordet euer blir til euren framfor hankjønnsord i akkusativ, og til eure framfor hokjønns- og fleirtalsord (i både nominativ og akkusativ).
Formene eueren og euere finst, men dei er svært lite brukte.
Øving 5
Jobb saman to og to.
Elev A les den tyske setninga høgt, og elev B omset ho til norsk. Snu kortet og les fasiten høgt. Hald fram med neste kort og byt roller.
Trykk på pilene for å komme tilbake til start. No omset de dei norske setningane til tysk! A les den norske setninga høgt, og B omset ho. Bruk tipsa om de treng det. Snu så kortet. B les fasiten høgt. Gå vidare og byt roller.