Übungen: Studium und Beruf

1. Bli ein glosemeister

Pugg glosene til teksten "Was macht deine Familie beruflich?"!

• Før du startar på oppgåva: Sjå godt på dei tyske glosene, og merk deg kjønnet på substantiva (der/die/das).

• Sjekk at du forstår glosene: Flytt dei norske orda på rett plass.

• Vel "Fyll inn" og "Byt språk". Skriv glosene på tysk, og bruk tipsa om du treng det.

• Bli ein glosemeister! Gjer oppgåva utan å bruke tipsa.

2. Les og set om

Jobb saman to og to.

1. Elev A les den tyske setninga høgt, og elev B set han om til norsk. Snu kortet og les fasiten høgt. Hald fram med neste kort, og byt roller.

2. Trykk på pilene for å komme tilbake til start. No set de dei norske setningane om til tysk! A les den norske setninga høgt, og B set henne om. Bruk tipsa om de treng det. Snu kortet. B les fasiten høgt. Gå vidare, og byt roller.

3. Tekst og bilete

Skriv ein kort tekst eller dialog til eitt av bileta nedanfor. Bruk ordbok – og fantasien!

• Wer ist das? Was macht er/sie beruflich? Wie sieht er/sie aus?

4. Draumeyrke og framtidsplanar

Jobb i par.

1. Les og set om dei tre dialogane høgt i par.

2. Snakk i par. Byt ut yrke og studium med eigne draumar og planar.

3. Gå rundt i klassen og snakk i par om draumeyrke og framtidsplanar. Byt partnar etter ca. 30 sekund, eller når læraren signaliserer at de skal byte.

• Was möchtest du werden?

• Ich möchte Sängerin werden. Und du?

• Cool! Mein Traumberuf ist Polizist.

• Polizist? Spannend!

• Was machst du in fünf Jahren?

• In fünf Jahren studiere ich Technologie. Und du?

• Ich weiß nicht so ganz. Vielleicht studiere ich Management.

• Management? Toll!

• Was machst du in zehn Jahren?

• Hm, vielleicht bin ich Fußballspieler bei Bayern München. Und du?

• Ich weiß nicht so ganz. Vielleicht arbeite ich als Designerin.

• Designerin? Echt? Wie cool.

5. Kan skinnet bedra?

No skal de få møte tre personar. Sitt i par og gå gjennom person for person.

1. Beskriv personen på biletet. (alder og utsjånad)

2. Kven trur de denne personen er? Spekuler litt:

   • Woher kommt er/sie? Kvar kjem hen frå?

   • Was ist er/sie von Beruf? Kva jobbar hen med?

   • Welche Hobbys hat er/sie? Kva er hobbyane hans/hennar?

3. Når de har danna dykk eit bilete av personen, blar de vidare for å sjå "fasiten". Les gjennom det som står om personen, og omsett saman til norsk.

4. Diskuter på norsk: Kva er de mest overraska over? Kvifor er det overraskande?

6. Presentasjon: Meine Familie

1. Teikn familietreet ditt, eller skap den tyske fantasifamilien din og teikn familietreet. Dersom du allereie har laga eit familietre, kan du gjenbruke det.

2. Skriv ein tekst der du presenterer familien din eller den tyske fantasifamilien din.

   • Wie heißen die Personen?

   • Wie alt sind sie?

   • Wo wohnen sie?

   • Wie sehen sie aus? (Haare, Augen, Größe)

   • Was machen sie? (Schule, Studium, Beruf)

   • Welche Hobbys haben sie?

3. Presenter familien eller fantasifamilien din for ein medelev eller ei gruppe. Vis familietreet ditt og peik på personane mens du fortel.

7. Improvisasjon: familiebilete

Klassen blir delt i grupper på 6–8. Første gruppa ut får i oppdrag å stille seg opp til familiefotografering. Ingen veit kven som er kven i familien, så alle på gruppa må berre finne på noko når læraren gir startsignalet.

• Publikum tek nedteljing på tysk:

  "Zehn – neun – acht ... drei – zwei – eins: Los!"

• Ein elev frå gruppa begynner ved å gå "inn i biletet" (= ut på scenen), og seier til dømes: "Ich bin das Kind!". Så vel vedkommande ein posisjon, ein "plass" i biletet.

• Deretter går neste elev fram og seier til dømes: "Ich bin der Uropa!", og finn ein passande positur og plass i biletet.

• Slik held det fram til alle i gruppa har funne ein plass i familiebiletet. Læraren tek så eit bilete av "familien" og sørger for applaus til gruppa.

8. Mimeleik

No skal de mime og gjette yrke. Klassen blir delt i grupper på fire eller fleire. Kvar gruppe deler seg i to lag.

Førebuingar: Kvart lag får ti lappar og skriv dei tyske namna på ti ulike yrke, eitt yrke per lapp. Lappane blir bretta, og lappane frå begge laga blir samla på bordet. Spelet kan starte!

• Lag 1 begynner. Stoppeklokka blir sett på 1 minutt og starta. Ein på laget trekker ein lapp og mimar yrket som står på lappen for sitt lag. Dei andre på laget gjettar: "Du bist Lehrer!", "Bist du Physioterapeutin?" og så vidare.

• Når yrket er gjetta, trekker same person ein ny lapp. Her gjeld det å vere rask, slik at laget kan gjette så mange yrke som mogleg før tida går ut. Dersom tida går ut mens laget prøver å gjette eit yrke, kan motstandarlaget òg bli med og gjette. Gjettar motstandarlaget rett først, får dei poenget.

• Når stoppeklokka ringer, byter de. Då er det ein person på lag 2 som skal trekke lapp og mime for dei andre på laget. Det er viktig at de rullerer slik at alle på laget får både mime og gjette.

• Laga får 1 poeng for kvart yrke dei gjettar rett. Vinnarlaget er det som har flest poeng når det er tomt for lappar, eller når læraren signaliserer at tida er ute.