Kva bør politiske parti få vite om deg?

Kva opplysningar bør politiske parti kunne bruke når dei spreier reklame i sosiale medium? På den eine sida er det fint å få reklame som passar spesielt for deg, men på den andre sida bør det vel vere ei grense for kva opplysningar det skal vere lov å bruke?

Rydd plass i klasserommet og bestem at den eine sida av klasserommet er "for" og den andre er "mot".

Læraren les opp eitt og eitt punkt på lista under, og elevane røyster ved å gå til "for" eller "mot".

Læraren noterer seg kva fleirtalet meiner i kvart tilfelle.

• der du bur

• kva du følgjer, liker, deler og kommenterer i sosiale medium

• kva du handlar på nett

• religion

• innhaldet i det du skriv og publiserer i sosiale medium

• kor gammal du er

• musikksmak

• der du er til kvar tid

• familierelasjonar

• helseopplysningar

• aktivitet på treningsappar

• legning

• politisk ståstad

• meiningar som du har uttrykt i sosiale medium

• sjukdom, psykiske lidingar og død i nær familie

• kjønnsidentitet

• inntekta til foreldre / eiga inntekt

Del tavla i to ("for" og "mot") og skriv opp dei ulike personlege opplysningane på riktig side ut frå kva fleirtalet i klassen meinte.

• Diskuter i klassen kva som kjenneteiknar personopplysningar de ikkje synest det er greitt å bruke i politisk marknadsføring.

• Formuler ein regel om kva slags personlege opplysningar det bør vere forbode å bruke for politiske parti i marknadsføringa si.