Pretérito imperfecto
Verbforma
Preteritum er ei fortidsform. Vi bruker ho når vi fortel om eller beskriv noko frå fortida.
På spansk har vi to preteritumsformer. Pretérito imperfecto er den vi bruker for å beskrive korleis noko/nokon var i fortida, om bakgrunnen for ei handling eller om noko som pleidde å skje (regelmessig):
La casa de mis abuelos era blanca y tenía un patio con flores. Huset til besteforeldra mine var kvitt og hadde ein patio med blomstrar.
Hacía frío y llovía cuando Juan salió de su casa. Det var kaldt og regna då Juan gjekk ut av huset sitt.
Cuando era pequeño, tocaba la guitarra. Då eg var liten, spelte eg gitar.
Det finst nokre tidsuttrykk som ofte står saman med pretérito imperfecto, til dømes:
- a veces
- nokre gonger, av og til
- antes
- før
- cada día / todos lós días
- kvar dag / alle dagar
- mientras
- mens
- normalmente / por lo general
- vanlegvis
- siempre
- alltid
I artikkelen Pretérito perfecto simple eller pretérito imperfecto? lærer du meir om rett bruk av dei spanske preteritumsformene.
Regelrette verb
Sjå i tabellen korleis vi bøyer regelrette verb i pretérito imperfecto.
trabajar | crecer | vivir | |
|---|---|---|---|
yo | trabajaba | crecía | vivía |
tú | trabajabas | crecías | vivías |
él, ella, usted | trabajaba | crecía | vivía |
nosotros/as | trabajábamos | crecíamos | vivíamos |
vosotros/as | trabajabais | crecíais | vivíais |
ellos/as, ustedes | trabajaban | crecían | vivían |
¡OJO!
Verb som endar på -ar, har sine eigne endingar, mens -er- og -ir-verb blir bøygde likt.
Første og tredje person eintal (yo og él, ella, usted) er heilt like i denne verbtida.
-ar-verb har aksent på endinga i første person fleirtal (nosotros/as).
-er- og -ir-verb har aksent på endinga i alle personar.
Pretérito imperfecto av hay (det finst/er) er había.
Øving 1: Bøy regelrette verb
Øv å bøye regelrette verb i pretérito imperfecto.
Uregelrette verb
Det finst berre tre verb som er uregelrette i pretérito imperfecto: ir (å gå), ser (å vere), og ver (å sjå). Desse tre er òg veldig mykje brukte, så det er lurt å lære bøyinga utanåt med ein gong!
ir | ser | ver | |
|---|---|---|---|
yo | iba | era | veía |
tú | ibas | eras | veías |
él, ella, usted | iba | era | veía |
nosotros/as | íbamos | éramos | veíamos |
vosotros/as | ibais | erais | veíais |
ellos/as, ustedes | iban | eran | veían |
Øving 2: Pugg uregelrette verb
Jobb saman to og to. Lær dykk dei uregelrette verba frå tabellen ovanfor.
Les infinitivsforma til kvart av dei spanske verba høgt og bøy så verbet i alle personar.
Test kvarandre: Elev A sit med pc-en og seier eit spansk verb i infinitiv, elev B bøyer verbet i pretérito imperfecto. Byt roller.
Øving 3: Bøy uregelrette verb
Klarer du no å bøye dei uregelrette verba i pretérito imperfecto? Test deg sjølv!
Øving 4: Set om setningar
Jobb gjerne saman i par og set om setningar i preteritum frå norsk til spansk. Bruk berre pretérito imperfecto.
NB! Her er det både regelrette og uregelrette verb.
Les setninga på kortet høgt og set ho om til spansk. Verba du treng, står i parentes under kvar setning. Vel info-knappen for å få litt glosehjelp.
Snu kortet og samanlikn med fasiten. Hald fram med neste kort.