Fagstoff

Gjennomføring av ein risikoanalyse

Vi kan gjennomføre ein risikoanalyse på fleire ulike måtar. Her skal vi sjå nærare på to måtar å arbeide på.

Ein mann padlar på sjøen i ei pappeske, omringa av haiar. Illustrasjon.

Risikoanalyse – metode 1

Når vi bruker denne metoden, kombinerer vi nivåa for sannsyn og konsekvens i eit risikodiagram:

Ein tabell med to kolonneoverskrifter: Sannsyn i kolonne 1 og Konsekvens i kolonne 2. Under Sannsyn er det fem linjer: Mindre sannsynleg, Lite sannsynleg, Sannsynleg, Ganske sannsynleg og Svært sannsynleg. Kolonnen med overskrifta Konsekvens er vidare delt inn i fem kolonner. Frå venstre: Ufarleg, Mindre farleg, Farleg, Kritisk og Katastrofalt. Dei resterande kolonnene er tomme. Illustrasjon.

Til hjelp i dette arbeidet bruker vi eit skjema for risikovurdering:

Skjema for risikovurdering, nn

Risikoanalyse – metode 2

Den andre typen risikoanalyse kan gjerast ved hjelp av eit 3 x 3-skjema.

Både sannsyn og konsekvens kan då ha verdiane 1, 2 eller 3 (men aldri 0). Det betyr at den høgste risikoen er 9 og den lågaste 1.

Dersom du har vurdert ei uønskt hending til å ha sannsyn 2 og konsekvens 3, vil du med andre ord ende opp i raudt felt i matrisa under (2 x 3 = 6).

Ein tabell som viser korleis sannsynet for at ei hending kan inntreffe, er kopla med konsekvensen av hendinga, og gir ein sum som angir risikoen. Beskrivinga av korleis koplinga skjer, er beskriven i teksten over biletet. Illustrasjon.

Kva metode du vel for å gjennomføre ein risikoanalyse, er ei smakssak. Det viktigaste er korleis du grunngir valet av sannsyn og konsekvens.

Forklar val av sannsyns- og konsekvensnivå ut frå den uønskte hendinga, og ut frå dei tiltaka som verksemda allereie har sett i gang. Der du ser at det er nødvendig med nye tiltak, er du over på punkt 5 i metoden for risikoanalyse: å foreslå sikkerheitstiltak.

Relatert innhald

Tiltaksplanar

Ein tiltaksplan eller ein handlingsplan skal vere ei oppsummering av det som må gjerast for å redusere risikoen i verksemda.