Representasjon av minoritetar i norsk film - Samfunnskunnskap - NDLA

Hopp til innhald
Oppgave

Representasjon av minoritetar i norsk film

Det blir laga få filmar av filmskaparar med minoritetsbakgrunn. Forsking viser òg at minoritetar er underrepresenterte på rollelista til norske filmar. I desse oppgåvene skal du drøfte ulike problemstillingar knytte til film og minoritetar.
Portrett av smilande kvinne med mørkt utslått hår og store øyredobbar. Foto.
Iram Haq er ein norsk-pakistansk filmregissør som har laga fleire kortfilmar og spelefilmar. Bilete: Sara Johannessen / CC BY-NC-SA 4.0

Minoritetar framfor og bak kamera

Ei undersøking utført av Norsk filminstitutt viste at minoritetar er underrepresenterte i dei fleste norske kinofilmane frå 2013–2018. Det var nesten ingen filmar der hovudrolleinnehavarane eller birolleinnehavarane var homofile, urfolk eller personar med funksjonsnedsetjing.

Norsk filminstitutt har konkludert med at den norske filmbransjen ikkje har vore flinke nok til å sleppe inn verken skodespelarar eller filmskaparar med minoritetsbakgrunn. I 2019 lanserte dei derfor ein eigen handlingsplan for å bidra til auka mangfald i norsk filmbransje.

Oppgåver

  1. Kva for filmar kjenner du til som er laga av ein filmskapar med minoritetsbakgrunn?
  2. Kvifor trur du det er få minoritetar som lagar film og få minoriteter som er med i filmane som blir laga?

  3. Trur du handlingsplanen til Norsk filminstitutt vil bidra til meir mangfald i filmbransjen? Kan du komme på andre tiltak?

  4. Drøft: Kva for betydning har det at minoritetar er representerte både framfor og bak kamera?

    • Kor viktig er det for minoritetane sjølv?

    • Kva for rolle speler det for resten av samfunnet?

Kjelder

Norsk filminstitutt. (2019, 15. august). Hoved- og biroller i norske filmer: Nesten ingen er homofile, urfolk eller har funksjonsnedsettelse. https://www.nfi.no/aktuelt/2019/norske-filmer-nesten-ingen-er-homofile-urfolk-eller-har-funsjonsnedsettelse

Norsk filminstitutt. (u.å). Relevans. Publikum. Berekraft. Henta 5. desember 2019 frå https://www.nfi.no/dette-gjor-nfi/mandat-og-organisasjon/vi-styrer-etter/relevans.publikum.berekraft

Skrive av Anne Cathrine Andersson. Rettshavar: Norgesfilm AS
Sist fagleg oppdatert 12.02.2020