Gïeleldh suerkieh
Gïelen grammatihke
Dah ovmessie gïeleldh suerkieh soptsestieh guktie mijjen gïele, guktie mijjieh soptsestibie jïh tjaelebe. Daate mijjen grammatihke.
Suerkieh | Bïhkedassh |
|---|---|
Fonologije | gïeletjoeje-learoe, guktie vokaalide jïh konsonaantide jiehtebe |
Morfologije | soptseste guktie baakoeh bigkesovveme, guktie edtjebe baakoeh sojjehtidh jïh guktie maehtebe orre baakoeh seerkedh |
Syntakse | soptseste guktie maehtebe raajesh bigkedh |
Leksikovne | baakoeh gïelesne, baakoe-learoe |
Semantihke | learoe gïelen sisvegen bïjre jïh guktie edtjebe baakoeh, jiehtegh jïh raajesh guarkedh |
Prosodije | guktie edtjebe baakoeh jiehtedh jïh gåabph edtjebe diedtedh gosse dejtie jiehtedh |
Morfologije
Morfologije lea learoe mij soptseste guktie baakoeh bigkesovveme. Vuesiehtimmien gaavhtan guktie edtjebe baakoeh sojjehtidh jïh guktie edtjebe baakoeh seerkedh.
Gosse baakoeh sojjehtibie dellie mijjieh baakose minngie-gietjiem (suffiksem) lissiehtibie, v.g.: bïenje → bïenjem.
Gosse baakoeh seerkebe dellie orre baakoeh maadth-baakoste darjobe, v.g.: vaedtsedh → vaadtsajidh.
Syntakse
Saemien gïelen syntakse soptseste guktie mijjieh raajesh bigkebe. Ovmessie gïelh eah daarpesjh seamma syntaksem utnedh. Baakoeh aktene raajesisnie joekehts råållah utnieh. Dah grammattihkeles funksjovnh raajesisnie. Mijjieh dejtie raajese-lïhtsine gåhtjobe. Gaajhkh raajesh raajese-lïhtsh utnieh.
Vuesiehtimmien gaavhtan verbaale, subjekte, objekte jïh adverbijaale.