Meerjen tjaktje-eejehtalleme

1. Goltelh, lohkh jïh vaestedh

Meerje mubpien skuvlejaepien Plaassjesne vihth eelki. Tjaktje-eejehtallemisnie Tråantese vöölki juktie ålkoe-laantese fealadidh. Golken 11. biejjien tjidtjebem dåeriedi, akten tjaebpies onne sæjjan Spanijisnie. Onne-åabpa aaj lij meatan. Dah golmesh girtine vöölkin Værnesen girtie-sijjeste Spanijasse. Ålkoe-laantesne lin abpe våhkoem. Golken 18. biejjien Tråantese vihth vöölkin. Hïeljen mænngan Meerje vaarjoe-bovresne barki, staaren jarngesne. Seamma bovresne giesie-eejehtallemisnie aaj barki. Dan mænngan jis aavoedi Plaassjese vuelkedh jïh Aantam vihth gaavnesjidh.

Vaestedh

1. Maam Meerje sov tjaktje-eejehtallemisnie darjoeji?

2. Gïem Meerje ålkoe-laantese dåeriedi?

3. Gie lij aaj meatan?

4. Gåessie ålkoe-laantese vöölkin?

5. Gåabph dah vöölkin?

6. Mejnie dahkoe vöölkin?

7. Man guhkiem lij desnie?

8. Gåessie Tråantese vihth?

9. Maam Meerje hïeljen mænngan darjoeji?

10. Man åvteste Meerje aavoedi Plaassjese vihth vuelkedh?

2. Mij reaktoe?

Maam Meerje darjoeji raakte skuvlen mænngan goh Tråantese vöölki sov fuelhkien gåajkoe? 

3. Giesieh baakojde

4. Goltelh jïh laavloeh

Diedtieh laavlomem jïh goltelh: Prieviem tjaalam

Laavloeh datne aaj!

Tjaelieh raajesh

Tjaelieh raajesh daej baakoe-hammoejgujmie:

• vöölkin, staarese, girtine, vuelkieh, girtie-sijjeste, dah, ålkoe-laantesne

5. Sojjehth verbide

6. Jarkelh raajesidie

Jarkelh raajesi verbh presensistie preteritumese!

7. Ussjedallh

Viertesth guktie dah verbh aelkedh I jïh vaedtsedh I sojjesuvvieh presensisnie jïh preteritumesne. Buerkesth maam datne gaavnh.

8. Soptsestallh

Veeljh laavenjassem A jallh B:

1. Darjoeh soptsestallemem Aanta jïh Meerjen gaskemsh. Dah sinsitniem gihtjedægan maam tjaktje-eejehtallemisnie dorjeme.

2. Datne voelpem gaavnesjh. Darjoeh soptsestallemem dotnen gaskemsh maam tjaktje-eejehtallemisnie dorjeme.

9. Tjaelieh

Soptsesth jïh tjaelieh dov tjaktje-eejehtallemen bïjre.