6. Dållem bïejedh
Daelie lïerh
soptsestalledh gosse
dållem bïejedh jïh maam joem voessjedh
nominatijvem jïh akkusatijvem nuhtjedh
1. Goltelh jïh orresth
Sïjhth edtjien ånnetji lïegkestidh
Tekstversjon
– Sïjhth edtjien ånnetji lïegkestidh, dållem bïejedh jïh prïhtjegem voessjedh?
– Daesnie hijven dålle-sijjie jïh gaaltije aaj barre lïhke.
– Gusnie moerh risjnedh?
– Dusnie sïerkestahke. Gejhkie sïerkh buerie moerh prïhtjh-dållese.
– Manne maahtam moerh risjnedh.
– Sïjhth tjaetsiem gaaltijistie vïedtjedh?
– Gusnie prïhtjh-giebnie?
– Dïhte mov voessen sisnie.
– Gosse dålle hijvenlaakan buala jïh bækta, bïejh dellie prïhtjh-giebniem dållese.
– Daelie tjaetsie joe doelteminie.
– Bïejh dellie prïhtjegh geabnan. Prïhtjh-voesse daesnie.
– Jaa ojhte. Prïhtjege dallegh gaervies.
2. Gihtjh jïh vaestedh
Gyhtjelassh, boelhkese 1
Maam dah guaktah darjoejægan gosse edtjijægan lïegkestidh?
Guktie hijven dålle-sijjie?
Guktie buerie moerh?
Gustie tjaetsiem vïedtjedh?
Gyhtjelassh, boelhkese 2
Mij voessen sisnie?
Gåessie prïhtjh-giebniem dållese bïejedh?
Maam darjodh gosse tjaetsie dualta?
Gusnie prïhtjegh?
Gåessie prïhtjege gaervies?
3. Darjoeh laavenjassem
Nominatijve vuj akkusatijve?
4. Giesieh baakojde
5. Orresth jïh målsoeh
Orresth soptsestallemem jïh målsoeh naan baakoeh.
Soptsestalleme
– Sïjhth edtjien ånnetji lïegkestidh, dållem bïejedh jïh prïhtjegem/löövjem/kakaovem voessjedh?
– Daesnie hijven dålle-sijjie jïh gaaltije/johke/jaevrie aaj barre lïhke.
– Gusnie moerh risjnedh?
– Dusnie sïerkestahke/gasngese-hagke/stråmhpoe. Gejhkie sïerkh/gasngesh/stråmhpoeh buerie moerh prïhtjh-dållese.
– Manne maahtam moerh risjnedh.
– Sïjhth tjaetsiem gaaltijistie/johkeste/jaevreste vïedtjedh?
– Gusnie prïhtjh-giebnie/tjaetsie-giebnie/giebnie?
– Dïhte mov voessen sisnie.
– Gosse dålle hijvenlaakan buala jïh bækta, bïejh dellie prïhtjh-giebniem/tjaetsie-giebniem/giebniem dållese.
– Daelie tjaetsie joe doelteminie.
– Bïejh dellie prïhtjegh/löövjh/kakaovh geabnan. Prïhtjh-voesse/Löövjh-voesse/Kakaove-borhtje daesnie.
– Jaa ojhte. Prïhtjege/Löövje/Kakaove dallegh gaervies.
6. Soptsesth
Gosse datne ålkone, maam provhkh darjodh gosse lïegkesth?
Soptsesth guktie datne provhkh dållem bïejedh.