Den ansvarlege turisten
Klasseoppgåve – lag ei digital handbok for turistar
I denne oppgåva skal de reflektere over korleis turistar sjølve kan bidra til eit berekraftig reiseliv, med utgangspunkt i ein sjølvvald reiselivsdestinasjon. Vidare skal de lage ei handbok for turistar som kan hjelpe dei til å opptre meir berekraftig.
De finn lenker til nyttig informasjon i boksen nedst.
Bli einige om ein reiselivsdestinasjon de vil lage handbok for, og kom med forslag til korleis turistane som reiser dit, kan bidra til eit berekraftig reiseliv gjennom åtferda si generelt og gjennom val av
reisemåte
lengde på opphaldet
bustad
aktivitetar
Fordel punkta overfor i klassen, jobb gjerne saman i små grupper.
Presenter forslaga for kvarandre. Diskuter dei i klassen, og gi kvarandre tilbakemeldingar.
Set saman forslaga dykkar til ei digital reisehandbok for turistar. Bruk bilete og eventuelle filmar de finn, slik at handboka blir visuell.
Kanskje de vil sende handboka til aktuelle reiselivsaktørar på destinasjonen de har valt?