Oppgave
British tea party
I denne oppgåva skal de fordjupe dykk i ein del av den britiske matkulturen og arrangere eit British tea party.
"Afternoon tea" i ein overklasseheim i 1895. Bilete: Ukjent / Offentleg eige
Britane er kjende for å drikke mykje te. Kvifor er det slik? Søk på nettet og finn ut av historia til britisk tedrikking.
Afternoon tea er eit eige måltid i England. Kva inngår vanlegvis i dette måltidet?
Finn oppskrifter på rettar som kan inngå i afternoon tea, og fordel rettane i klassen.
Produser rettane på kjøkkenet og inviter gjester til eit British tea party.
Som ein del av dette selskapet kan de lage ulike typar te og arrangere ei tesmaking.