Oppgåve

Interaktivt innhald

Velferdsvurdering i storfefjøset

Alle storfebesetningar med over ti dyr er ein del av dyrevelferdsprogrammet. Målet er å sikre og dokumentere god helse og velferd. I denne oppgåva skal du bruke eit dokumentasjonsverktøy til å vurdere dyrevelferda i eit fjøs, med fokus på åtferd, helse, fôring og rutinar.

Ei ku dyttar hovudet mot ei kubørste for å få ho til å rotere. Foto.

Oppgåve i velferdsvurdering

Alle storfebesetningar med meir enn ti dyr er altså med i dyrevelferdsprogram for storfe. Målet med dyrevelferdsprogrammet er å dokumentere og vareta helse og velferd i norske storfebesetningar på best mogleg måte.

I denne oppgåva skal du bruke eit dokumentasjonsverktøy til å undersøke og vurdere dyrevelferda i eit fjøs. Gå systematisk gjennom fjøset og vurder ulike kriterium som rørslefridom, mosjon, beiteforhold og tilgang til utandørs område. Dokumenter funna og gi ei heilskapleg vurdering av dyrevelferda.

Oppsummering av det du skal vurdere

Åtferd og oppstalling

Start med å sjå på heile flokken og konsentrer deg om følgande:

Er dyra trygge og tillitsfulle?
Kan alle dyra ligge samtidig på eit godt underlag?
Studer rørslene til dei største dyra når dei reiser seg og legg seg. Er dei naturlege?
Er dyra reine?

Fôring og helse

Rett fôring er avgjerande for at dyra skal ha god helse, og her er nokre punkt som kan hjelpe deg med å avgjere om fôringa er god nok i fjøset:

Har dyra rett hald?
Er det nok vatn til alle dyra?
Korleis er klauvene? Er det nokon som haltar?
Ser du nokon dyr med sår eller hevelsar?
Ser du nokon teikn til sjukdom hos dyra?
Ser kalvane friske ut?

Rutinar i fjøset

Kva rutinar er det for beitebruk og lufting av dyra? Kva med handtering av sjuke og skadde dyr? Korleis er rutinane ved kalving?

Er det gode rutinar for beiting og mosjon?
Viss det er kutrenar i fjøset (båsfjøs), blir han brukt på rett måte?
Kva rutinar er det for handtering av kua ved kalving og for handtering av den nyfødde kalven?
Kva rutinar er det for handtering av dyr som treng ekstra oppfølging?
Er det gjort tiltak for å auke dyrevelferda i fjøset?
Er det noko som gir dårleg velferd for dyra?
Er det smittesluse i fjøset som fungerer godt?

Velferdsvurdering – trinn for trinn

No skal du ut i fjøset for å observere. Bruk dette dokumentasjonsverktøyet som hjelp, og gå gjennom dei ulike delane av velferdsvurderinga trinn for trinn. Les beskrivinga av kva du skal observere, prøv å finne årsaka til det du observerer, og foreslå løysingar.

På siste side kan du eksportere teksten til eit dokument. Her kan du redigere tekst og setje inn eventuelle bilete som du tek i løpet av vurderinga. Ver klar over at teksten ikkje blir lagra før du eksporterer dokumentet, så viss du lukkar oppgåva undervegs, mister du det du har skrive.

Under finn du oppgåva i eit tekstdokument du kan laste ned og skrive inn i.

Fil

Velferdsvurdering i storfefjøset(DOCX)

Kjelde

Animalia. (2024, 14. mai). Dyrevelferdsprogram for storfe. https://www.animalia.no/no/Dyr/storfe/dyrevelferdsprogram-for-storfe/

Relatert innhald

Dyrevelferdsprogram for storfe

Alle storfebesetningar med fleire enn ti dyr er med i dyrevelferdsprogram for storfe. Det er fagorganisasjonane i landbruket som står bak programmet.

Naturleg åtferd for storfe

God velferd for storfe inneber at dyra har nok tid og rom til å utføre den naturlege åtferda si. Som bonde må du lære deg å tolke viktige signal frå dyra.