Øvelse
Kommunikasjon mellom servitør og restaurantgjester
I dette videoklippet møter du servitøren Carolin Nilsson og gjestene Nina Hæg og Richard Karlsen. Dei har klare synspunkt på korleis kommunikasjonen mellom servitør og gjest bør vere!
Video: Terranova Media / Avgrensa bruksrett
God kommunikasjon mellom gjest og servitør
Sjå videoklippet med Carolin Nilsson og gjestene hennar, og jobb deretter med spørsmåla nedanfor.
- Carolin Nilsson hevdar at god kommunikasjon mellom ein servitør og ein gjest er svært viktig. Korleis grunngir ho dette?
- Nemn tre-fire døme på kva ein servitør kan gjere for at gjestene skal kjenne seg velkomne og få ei god oppleving når dei er på restaurant.
- Carolin seier at ho har lært seg “å lese gjestene”. Kva meiner ho med det?
- Korleis behandlar Carolin ein gjest som er misnøgd eller i dårleg humør?
- Kva forventar Nina Hæg og Richard Karlsen av ein god servitør?
- Kva liker Carolin ved jobben som servitør?
Sei det på fagspråket!
No skal du bruke nokre faguttrykk for å beskrive kommunikasjonen mellom servitør og gjest.
- Er eit restaurantbesøk ein formell eller ein uformell situasjon? Grunngi svaret.
- Sjå nærare på servitør- og gjesterolla. Er dette to likeverdige roller, eller har ein av partane ei overordna rolle overfor den andre? Grunngi svaret ditt.
- Korleis bør du oppføre deg når du er i gjesterolla? Gi to døme og forklar.
- Kva høyrer med til den kommunikative kompetansen som trengst i servitøryrket? Nemn alt du meiner høyrer med, og ordne punkta etter kor viktige dei er.