Oppgåve
Tilleggsstoff
Eigenvurdering og vidare utfordringar
Når du har gjennomført læringsstien «Møt eit dikt», kan du gå vidare med ei eller fleire av desse oppgåvene.
Oppgåve 1. Friskriving
Du har no fått eit godt inntrykk av korleis forfattaren skildrar motivet og bruker ulike verkemiddel for å belyse temaet i diktet. Skriv fritt i ti minutt om motiv, tema og dei viktigaste verkemidla.
Oppgåve 2. Refleksjonsskriving
Bruk fem til ti minutt på å vurdere kva du har lært under arbeidet med læringsstien. Skriv ned vurderingane dine.
- Kva kunne du frå før? Kva nytt har du lært?
- Finst det noko som du framleis opplever som vanskeleg eller uklart? Prøv i så fall å forklare kva det er du strever med.
Oppgåve 3. Samanlikning av to dikt
No skal du ha fått god innsikt i korleis ein les for å analysere dikt. Dersom du vil ha ei ny utfordring, kan du til dømes samanlikne diktet du nettopp har lese, med diktet "Skyggen" frå diktsamlinga Lysår av Åse-Marie Nesse. Du finn boka og diktet på bokhylla.no.
Oppgåve 4. Skriv ein diktanalyse
Skriv ein samanhengande analyse av diktet du nettopp har analysert. Skrivetips finn du i læringsstien "Slik kan du skrive ein diktanalyse".