Kva kan vere temaet i diktet?

Diktet

Diktet de skal arbeide med er "Mareritt i eventyrskogen" av Petter Solberg.

Når de har blitt kjende med diktet ved å lese det høgt for kvarandre, er de klare til å finne ut kva som kan vere temaet i diktet.

Del 1: Snakk i grupper

Set dykk ned i firargrupper utan å snakke saman. Framfor dykk har de eit blankt ark kvar. Skriv ned kva slags førsteinntrykk linjene har gitt dykk:

• Kva slags kjensler vekte linjene?

• Kva trur de diktet handlar om?

• Var det noko spesielt de la merke til ved ordbruken?

Del 2: Samanlikn i gruppa

• Har de fått same førsteinntrykket?

• Legg særleg vekt på kjenslene og stemninga linjene har vekt hos dykk.

Del 3: Samanlikn i klassen

Har alle i klassen fått eit ganske likt førsteinntrykk, eller finst det ulike oppfatningar?

Del 4: Les diktet høgt

Få ein gruppemedlem til å lese diktet høgt for gruppa.

Del 5: Fullfør setninga

• Snu arket de har notert på.

• Fullfør denne setninga: "Eg trur diktet handlar om …"

  • De har lov til å legge til inntil tre ord.

Del 6: Les diktet høgt igjen

Få ein annan på gruppa til å lese diktet høgt ein gong til.

Del 7: Fullfør setninga

Alle skriv denne setninga ein gong til:

"Eg trur diktet handlar om …"

Kanskje de skriv dei same orda som sist. Kanskje de har endra oppfatning etter å ha høyrt diktet for andre gong?

Del 8: Samanlikn

• Har nokon av dykk valt dei same orda?

• Alle på gruppa forklarer kvifor dei skreiv ned nettopp det dei gjorde.

Del 9: Oppsummer i klassen

• Klarer de å komme fram til ei felles oppfatning av kva diktet kan handle om?

• Eller er de heilt usamde?