Oppgåve

Eg – ein lesar?!

Likte du å bli lesen for som barn? Er du glad i å lese sjølv? Når norsklæraren din set romanlesing på timeplanen, er då den første reaksjonen din "Jippi!" eller "Å nei!"? Her kjem det første, korte skriveoppdraget ditt: Skriv nokre ord om deg sjølv som lesar.

Tre personar ligg i graset ved ein innsjø og les. Det er sommar og sol. I bakgrunnen er det skog. Foto.

Oppdrag: Eg – ein lesar?!

Lese-erfaringane dine har mykje å seie for kor motivert du er til å kaste deg over nye tekstar. Skriv ein kort tekst på cirka 300 ord der du prøver å seie noko om kva haldningar du har til lesing.

Kor godt liker du å lese, og kor mykje les du?
Kva les du? Er det først og fremst oppdateringar på sosiale medium, eller er det òg aviser, bloggar, biografiar og romanar? Eller dikt?
Kva forventningar har du til leseprosjektet du skal i gang med nå?

Ta vare på denne teksten. Du vil få bruk for han når du er ferdig med å lese romanen.