Korleis skrive fagartikkel?

Del 1: Konspirasjonsteoriar

For å forstå kva ein fagartikkel er, skal de først lese ein fagartikkel om konspirasjonsteoriar. Før de les han, skal de finne ut kva de veit om emnet.

Diskuter i grupper:

• Kva er ein konspirasjonsteori?

• Kva for konspirasjonsteoriar veit de om?

• Trur de, eller kjenner de nokon, som trur på konspirasjonsteoriar?

Når de er ferdige, kan de samanfatte saman med dei andre elevane i klassen.

Del 2: Kva er ein fagartikkel?

Diskuter i par eller grupper:

1. Fagartikkelen er ein sjanger. Det betyr at det er ein type tekst. Veit de noko om sjangeren fagartikkel? Hint: Fagartikkel er eit samansett ord. Det er sett saman av orda fag + artikkel.

2. Korleis trur de ein fagartikkel skal byggast opp? (Kva for nokon ulike delar bør han ha?)

3. Korleis trur de språket skal vere i ein fagartikkel? Grunngi svaret.

Når de er ferdige, kan de samanfatte saman med dei andre elevane i klassen.

Del 3: Les ein fagartikkel om konspirasjonsteoriar

1. Les fagartikkelen "Er konspirasjonsteoriar farlege?"

2. Gå saman i grupper og diskuter:

   • Kvifor er dette ein god fagartikkel?

   • Kvar er overskrifta, innleiinga, hovuddelen og avslutninga i teksten?

   • Korleis blir døme brukte i teksten?

   • Korleis blir kjelder brukte i teksten?

   • Korleis er språket i teksten?

3. Samanfatt saman med dei andre elevane i klassen.

Del 4: Sjå filmen Korleis skrive ein fagartikkel?

1. Sjå filmen Korleis skrive ein fagartikkel (lengde 8:15).

2. Diskuter i klassen og finn svar på desse spørsmåla:

   • Kva betyr det at ein fagartikkel skal ha tre delar?

   • Kva er eit avsnitt?

   • Kva er ei temasetning?

   • Kva er kommentarsetningar?

   • Kva betyr det at eit avsnitt skal ha fire delar?

     1. temasetning

     2. kommentarsetningar

     3. døme

     4. oppsummering

3. Kva er oppgåva til innleiinga, avslutninga og overskrifta?

Del 5: Å bruke kjelder i ein fagartikkel

1. Sjå filmen om å bruke kjelder i fagartikkel (lengde 03:03).

2. Diskuter: Kvifor er det viktig å bruke kjelder i ein fagartikkel?

Del 6: Finn eit emne de vil skrive om

1. Finn eit emne de vil skrive ein fagartikkel om. Få hjelp av læraren til å lage oppgåva de skal svare på.

2. Ha ei idémyldring saman. Skriv ned gode idéar om

   • kva avsnitta i hovuddelen skal handle om

   • kva for døme de skal bruke i avsnitta

   • kjelder de kan bruke i fagartikkelen

Del 7: Skriv fagartikkelen

No skal du skrive fagartikkelen din. Gjer det slik:

1. Opne og lagre modellteksten under.

2. Skriv analysen din inn i høgre kolonne i tabellen. Dette skal hjelpe deg til å lage ein god struktur.

3. Når du er ferdig, klipper og limer du teksten din inn i eit nytt dokument (Marker teksten, høgreklikk og vel "klipp ut". Så høgreklikkar du der du vil lime inn teksten og vel "lim inn") utan tabell.

• Fagartikkel i tabell(DOCX)

Del 8: Gi kvarandre tilbakemelding

Byt tekst med ein annan elev i klassen. Gi kvarandre tilbakemelding. Sjå på dette:

• Har teksten med alle desse delane: overskrift, innleiing, hovuddel og avslutning?

• Presenterer innleiinga temaet og avsluttar med eit spørsmål?

• Har avsnitta god struktur med både ei tydeleg temasetning og døme?

• Er språket klart?

• Er språket objektivt og sakleg?

Fiks deretter teksten etter å ha fått tilbakemelding frå medeleven din.