Oppgåve

Diskuter eit lesarinnlegg om kjønn

Kvifor er det ulike prisar på klipp for mann og kvinne hos frisøren? Les, diskuter og skriv eit svar på eit lesarinnlegg om kjønn.

Del 1: Førlesingsoppgåver

No skal du lese eit lesarinnlegg med overskrifta "Hvorfor skal kjønnet bestemme prisen?". Kva for tankar får du av denne overskrifta?

absurd: noko som verkar veldig rart
optikar: ein person som har som jobb å sjekke synet ditt, og hjelpe deg viss du treng briller
identitet: kven du er og korleis du ser på deg sjølv
sjølvuttrykk: korleis du viser kven du er, til dømes gjennom klede, hår eller meiningar
hyppig: noko som skjer ofte
rigid: noko som følger strenge reglar og ikkje let seg forandre så lett
kjønnsnorm: reglar og forventningar om korleis du bør vere som gut eller jente
kjønnsbasert: noko som handlar om eller er bestemt ut frå kjønn
openberr: noko som er tydeleg og lett å forstå
diskriminering: urettferdig behandling av nokon på grunn av til dømes kjønn, hudfarge eller religion
barberhøvel: ein liten reiskap for å barbere (fjerne) hår frå kroppen
tampong: ein liten mjuk rull laga av bomull. Kvinner bruker han når dei har menstruasjon (også kalla mensen).
hygieneprodukt: ei vare du bruker for å halde kroppen rein
marknadsført: når noko blir vist fram i reklame for at folk skal kjøpe det
ikkje-binære personar: personar som ikkje ser seg sjølve som berre gut eller berre jente
falle mellom to stolar: idiom: når du ikkje får hjelp fordi du ikkje passar inn i ei gruppe. Ingen tek ansvar for deg.
stusse: klippe litt kortare
kjønnsdiskriminering: når nokon blir behandla dårleg på grunn av kjønnet dei har
utdaterte normer: reglar eller forventningar som er gamle og ikkje passar lenger

Sit saman i par og svar munnleg på oppgåvene under.

Kva er hovudsynspunktet til forfattaren?
Kvifor går ikkje forfattaren til frisørar som har ulik pris på hårklipp av damer og menn?
Anita Hasini vil definere sin eigen identitet utan å følge forventningar frå andre eller strenge reglar til kjønn. Kva tenker de om Hasini sitt syn på identitet? Grunngi svaret.
Forklar idiomet "å falle mellom to stolar" i sitatet "Hos disse frisørene faller ikke-binære personer mellom to stoler." Slå opp i LEXIN viss du ikkje kjenner til idiomet frå før.
Kva foreslår forfattaren at frisørar kan gjere når dei skal bestemme pris på hårklipp?
Lesarinnlegg har ofte ein appell heilt til slutt i teksten som oppfordrar lesaren til å gjere ei forandring. Kva er appellen i dette lesarinnlegget?
Gi døme på retoriske spørsmål i lesarinnlegget. Forklar òg kva funksjon dei retoriske spørsmåla har.
Finn nokre døme frå teksten der forfattaren bruker dei retoriske appellformene logos, etos og patos for å påverke lesaren. Forklar bruken, og korleis forfattaren påverkar oss.
Er de einige eller ueinige i hovudsynspunktet til forfattaren? Grunngi svaret.

Du kan lese meir om korleis du kan gjennomføre samtale i ring (sokratisk samtale) i fagartikkelen "Korleis få elevane munnleg aktive?".

Diskuter lesarinnlegget i ring i klasserommet. Ta utgangspunkt i spørsmåla de har svart på i del 2.

Vis gjerne korleis elevane kan strukturere lesarinnlegget sitt. Du finn døme på dette i oppgåveressursen "Skriv eit lesarinnlegg".

Skriv eit svar på lesarinnlegget. Kva er hovudsynspunktet ditt? Korleis skal du påverke lesaren? Du kan velje mellom desse mottakarane:

Bør det vere 18-årsgrense på sosiale medium? Skriv eit lesarinnlegg og fortel kva du meiner.