Diskusjonsreglane i klassen

Oppgåve 1

Les artikkelen "Slik får vi betre diskusjonar".

Del 1: For deg sjølv

Skriv ned minst tre punkt du trur kan gjere det lettare å diskutere i klassen din.

Del 2: Diskuter i grupper

Korleis kan de bruke noko av det som står i fagartikkelen for å få til endå betre diskusjonar i klasserommet?

I diskusjonen: Prøv ut tipsa frå artikkelen om det å lytte, bruke kroppsspråket og sjekke at de har forstått.

Del 3: Del kva gruppa kom fram til med resten av klassen

Samanfatt nokre punkt de blir einige om skal gjelde for diskusjonar i klasserommet.

Oppgåve 2

Det kan vere lett å gløyme korleis vi har gode diskusjonar når debatten blir ustyrleg. Derfor er det smart å lage noko som kan henge i rommet for å minne om diskusjonsreglane i klassen.

• Lag store snakkebobler av A4-ark. Bruk gjerne malen som ligg under her.
• Skriv éin diskusjonsregel i kvar snakkeboble.
• Lim boblene på eit tjukt ark og klipp ut boblene.
• Desse kan henge på veggene, eller i tråd frå taket i klasserommet, for å minne dykk på korleis klassen vil at diskusjonar skal vere.

• Snakkebobler(DOCX)

Oppgave 3

1. Bli einige om kva for eit av dei to temaa under de vil diskutere:

   • lekser

   • mobilforbod på skulen

   Seier de ja eller nei til emna over? Alle i klassen skal først berre skrive anten "ja" eller "nei" på ein lapp. Skriv ned det første du tenker.

2. Finn så nokon i klassen som har svart det motsette av deg og diskuter temaet. Kvifor svarte de som de gjorde? Bruk det de har lært om å diskutere.

3. Gi kvarandre tilbakemeldingar undervegs viss de gløymer nokon av reglane for gode diskusjonar. Hugs å lytte og vise respekt!

4. Etter diskusjonen:

   • Blei de einige om noko av det som blei diskutert? Kvifor / kvifor ikkje?

   • Lytta de til kvarandre sine synspunkt?

   • Lærte de noko nytt om temaet saman? Endra de meining? Forklar!