Trace

Den norske kortfilmen Trace tek oss med tilbake til vikingtida og skil seg ut ved å vere den første filmen som berre inneheld norrønt språk, og han er filma på historiske vikingstader i Noreg. Denne stemningsfulle og sterke forteljinga utforskar tema som identitet, tilhøyrsel og ære.

Om filmen

Vi følger hovudkarakteren Baldr, ein ung viking som vender heim etter lang tid borte. Han ber meg seg mange nye erfaringar, men møter motstand i eit samfunn der tradisjonane står sterkt. Baldrs reise speglar den evige konflikten mellom ønska til individet og kravet frå fellesskapen.

Tematikken i filmen

Trace tek opp tidlause tema som identitet, generasjonskonflikt og presset om å tilpasse seg normene i samfunnet. Det som gjer denne filmen så spesiell, er den historiske nøyaktigheita. Dialogen er sett om med hjelp frå ein professor i norrønt og skandinavisk språk ved NTNU. Sjølv om dette er ein uavhengig produksjon laga med få midlar, er filmen prega av lidenskap om å formidle vikinghistorie på ein ny måte.

Korleis filmen er eigna i skulen

Ved å sjå filmen Trace kan ein få innsikt i både kulturen og språket i vikingtida, samtidig som han opnar for refleksjon rundt universelle spørsmål om identitet og samfunn. Den unike bruken av norrønt gjer filmen til eit verdifullt verktøy for å engasjere i både norsk- og historiefaget.