Arbeidsoppdrag
Frå eventyr til høyrespel
Lag eit høyrespel for radio basert på eit eventyr. I høyrespelet skal de bruke både reallyd, effektlydar og tale.
Askeladden, kongen og prinsessa. Bilete: Knut Falch / CC BY-NC-SA 4.0
Del inn klassen i grupper på tre elevar. Vel eitt av desse eventyra:
- Dei tre bukkane Bruse som skulle til seters og gjere seg feite
- Askeladden som kappåt med trollet
- Sjuande far i huset
- Pannekaka
- ”God dag, mann!” – ”Økseskaft”
Eventyra finn de på nettet med eit enkelt google-søk.
Skriv om eventyret til eit høyrespel for radio. De må fordele roller, ha ulike røyster og bli samde om kva for effektlydar og miljølydar de vil leggje på for å lage eit best mogleg lydbilete. Hugs at lydane skal skape stemning og plassere aktørane inn i eit bestemt miljø.