Stasjonsarbeid om lyd (QR)
Elevane skal skanne QR-kodar for å finne faginnhald på ulike postar i dette undervisningsopplegget.
Del elevane i fem grupper.
Plasser postane på ulike stader på skuleområdet. Gjer det lett å finne dei. Viss postane er plasserte på eit større område, kan du lage eit enkelt kart over postane.
Post 1–4 har lyd og må vere på stader der elevane kan spele av lyd. Eventuelt kan elevane bruke høyretelefonar.
Skriv ut dokumentet med postane og plassar ut desse før timen startar.
Gjer ein enkel test og sjekk at kodane fungerer.
Elevane skal innom alle postane, og dei følger rekkefølga på postane.
Set av like lang tid til kvar post. Bruk alarm for å halde tida. Lag eit signal som betyr at elevane skal byte post.
Læraren går innom gruppene undervegs mens stasjonsarbeidet går føre seg.
Filer
Relatert innhald
QR-kodar let oss effektivt og enkelt dele og opne nettinnhald med mobilen. Lær tips og triks og kom i gang med QR-kodar!
QR i undervisninga kan gjere det lettare å forlate klasserommet og jobbe friare og meir spontant. Det kan gi meir engasjerande og elevaktiv undervisning.