Bruk prosessmodellar i medieproduksjon

1. Planlegg medieinnhald for ein oppdragsgivar

Samarbeid i små grupper om å planlegge produksjonen av medieinnhald for ein oppdragsgivar. Planen de lagar, skal svare så konkret som mogleg på spørsmåla i Lasswells kommunikasjonsmodell:

Vel mellom følgande oppdrag:

• Informer om at eit parti morrpølse kan innehalde bakteriar. Oppdragsgivar: Gilde.
• Lanser ei ny låt. Oppdragsgivar: ei kjend poppgruppe.

• Presenter og kommenter ei politisk meiningsmåling. Oppdragsgivar: VG.

• Reklamer for bruk av NDLAs læringsressursar. Oppdragsgivar: NDLA.

2. Rollespel om russetid og kommunikasjonsprosessar

Lag eit rollespel i klassen som illustrerer kommunikasjonsprosessen slik Shannon og Weaver beskriv han.

• Sendarar: Utdanningsdepartementet, rektor og klassestyrar

• Bodskapen: rammene for årets russefeiring

• Mottakarar: årets russ, foreldre og journalistar i lokalavisa

• Innkoding: Kod inn bodskapen i tråd med korleis de trur desse tre sendarane ville ha formulert det.

• Avkoding: Avkod bodskapen slik de trur dei tre mottakargruppene ville ha forstått han.

• Kanal: Planlegg tre ulike kanalar, minst ein for tilbakemelding.

• Tilbakemelding: Sørg for at minst to sendarar får tilbakemelding frå ein eller fleire av mottakarane, og juster innkodinga i tråd med tilbakemeldingane slik at bodskapen blir forstått.

3. Tesla og profesjonell kommunikasjon

A. Les deg opp

Følg dei tre lenkene og set deg inn i innhaldet:

• The Business Model Analyst: Teslas misjons- og visjonserklæring

• Kampanje: Tesla-gründeren blir hyllet for dette PR-stuntet

• VG: Nynazister fryder seg over Musk-hilsen

B. Svar på spørsmåla

1. Kva siktar ein til med omgrepet støy i ein kommunikasjonsprosess?

2. Vurder i kva grad det er støy i kommunisjonsprosessane i artiklane over. Kva er det i tilfellet som fører til støy?

3. Kva meiner du burde ha vore gjort for å unngå støy?

4. Kva effekt trur du sendaren ønskte å oppnå?

5. Kva trur du sendaren faktisk oppnådde med kommunikasjonen?