Kriminalreporter på jobb

17 år gamle Anne har i 14 dagar vore sakna frå heimen i Ålandsbygda, der ho bur saman med foreldra og to yngre søsken. I det som media no kallar ”Anne-saka”, har politiet gjennomført eit intenst etterforskingsarbeid. Politiet har stadig trappa opp arbeidet med det som ein etter kvart har frykta skulle bli ei alvorleg kriminalsak. Heile bygda har vore prega av denne hendinga, som har fått stor merksemd i media. No er det skjedd eit gjennombrot i saka, og det er kalla inn til pressekonferanse klokka 10 hos politiet i Ålandsbygd.

Du er journalist og skal dekkje saka saman med ein fotograf. De er med på pressekonferansen og brukar resten av dagen til å drive research i bygda. Mellom anna intervjuar de ulike menneske med tilknyting til dei impliserte.

Når du jobbar med oppdraget, må du bruke det du har lært om kjeldekritikk, rettsjournalistikk og presseetikk. Vurder:

• Kva for kjelder er truverdige? Kva er sladder, og kva er fakta?
• Kva for informasjon er relevant for saka?
• Kva for presseetiske omsyn må du ta når du omtaler ei så alvorleg sak?
• Korleis unngår du å døme nokon på førehand eller påverke det som skal skje i rettssystemet?

Intervju med personar som kjende Anne

Skiv ei kort nyheitssak frå pressekonferansen til nettavisa i dag.

Skriv ei nyheitsmelding til avisa neste dag.

Skriv ein tosiders reportasje til laurdagsutgåva.

Vel sjølv overskrifter, ingressar og bilete til alle tre sakene.