Fagstoff
Vurderingskriterium til skriftleg eksamen
Her finn du dei offisielle vurderingskriteria for sentralt gitt skriftleg eksamen i marknadsføring og leiing 2, som Utdanningsdirektoratet har utarbeidd.
Vurderingskriteria er meinte som ei hjelp til å forstå kva som er forventa av deg til eksamen.
Vurdering av eksamenssvar
Det er to sensorar som skal vurdere svaret ditt. Grunnlaget for vurderinga er kompetansemåla i læreplanen.
Om karakterar
Eksamenskarakteren skal vere eit uttrykk for den kompetansen du viser på eksamensdagen. Det er eit overordna krav at du svarer på dei oppgåvene som er gitte. Sensorane vurderer berre det svarinnhaldet som er relevant for oppgåvebestillinga på eksamensdagen.
Om vurderingskriteria for sentralt gitt skriftleg eksamen
Vurderingskriteria i denne rettleiinga er meinte som ei hjelp til å forstå kva som blir forventa av deg til eksamen. Vurderingskriteria skildrar den kompetansen eksamenssvaret viser, på tre nivå. Desse vurderingskriteria vil vere utgangspunkt for vurderinga av eksamenssvaret ditt.