Visjon og forretningsidé
Visjon – leiestjerne
Ein visjon er "framtidsdraumen" for verksemda. Visjonen skal seie noko om kva retning verksemda ønskjer å jobbe mot. Ein kan seie at visjonen skal vere ei leiestjerne, ein vegvisar.
Visjonen skal gi dei tilsette felles verdiar og retningslinjer, som skal liggje til grunn for alle avgjerder og handlingar.
Døme på visjonar
"Make people healthier and happier", SATS
"Å skape en bedre hverdag for de mange menneskene", IKEA
"Å gjøre livet enklere for reisevante folk i Skandinavia", SAS
Forretningsidé
Forretningsideen skal formidle kva verksemda skal gjere, for kven og korleis. Forretningsideen bør òg få fram det unike eller heilt spesielle ved idéen til verksemda.
Ein forretningsidé bør kunne gi svar på desse spørsmåla:
Kva behov skal vi tilfredsstille?
Kva produkt skal vi tilby?
Kven skal kjøpe produkta?
Kvifor skal dei kjøpe produkta våre?
Døme på forretningsideer
"Å tilby trening og helsetjenester av høy kvalitet gjennom moderne treningssentre, kompetente instruktører og et bredt treningstilbud, slik at flest mulig kan leve et sunnere og mer aktivt liv.", SATS
"å tilby et stort utvalg form- og funksjonsriktige hjeminnredningsprodukter til så lave priser at så mange mennesker som mulig har råd til å kjøpe dem", IKEA
"Å tilby sikre, pålitelige og effektive flyreiser for privat- og forretningsreisende, med særlig fokus på reiser til, fra og innen Skandinavia.", SAS
Er det behov for idéen min?
I filmen nedanfor (lengde 01:37) gir Innovasjon Noreg gode råd til dei som har ein god idé.
Utan nokre klare tankar om kva vi ønskjer å få til, er det vanskeleg å overleve som verksemd. Det er derfor viktig å ha ein god forretningsidé.
Det er ein fordel med ein unik forretningsidé som ikkje andre lett kan kopiere. Vidare er det viktig at forretningsideen har ei forretningsmessig forankring. Med det meiner vi at det finst målgrupper som er villige til å betale for produktet som vi skal levere.
Å vurdere aktuelle målgrupper er viktig i prosessen med å utvikle forretningsidéen. Du kan lese om segmentering og målgrupper i dei relaterte artiklane.
Relatert innhald
Kva er segmentering, og kvifor er det viktig for verksemder å segmentere og velje målgruppe?
Korleis kan du vurdere om eit utvalt segment er verdt å satse på som målgruppe?