Skulptur av Ahmed Umar

Del 1: Film om skulpturen Thawr, Thawra

Nasjonalmuseet har kjøpt inn Thawr, Thawra ثور, ثور (Ox, Revolution). I filmen under (lengde 6:26) møter du Ahmed Umar som fortel om skulpturen og arbeidsprosessen sin.

Del 2: Skulpturanalyse

Opplysningar

Start med å gi fakta om verket:

• Kva heiter skulpturen?

• Kven har laga han?

• Kva årstal blei han laga i?

• Kva teknikkar og materiale har kunstnaren brukt?

Beskriving

Beskriv korleis skulpturen ser ut, og kvar han er plassert.

Formspråk

Kva slags form(er) har skulpturen?

• Er han naturtru, forenkla eller heilt abstrakt, det vil seie at han ikkje liknar på noko i verkelegheita?

• Er forma lett eller tung, open eller lukka?

Komposisjon

• Korleis er skulpturen bygd opp?
  Har han ei heil form, eller er han sett saman av mange former?

• Beskriv forma (formene).

  • Geometriske former er former som kan konstruerast med passar og linjal.

  • Organiske former har uregelmessige, mjuke linjer som dei vi finn i naturen.

  • Er det kontrastar mellom formene? Beskriv i så fall kontrastbruken.

• Er det balanse i måten formene er sette saman på?

Fargar

• Har skulpturen fargen til sjølve materialet, eller er han fargelagd?

• Beskriv fargevalet og kva betydning fargane har for utrykket.

Tekstur

• Korleis er overflata på skulpturen?

Innhald

• Kva synest du skulpturen handlar om?

• Kva får kunstverket deg til å tenke på, og kva kjensler får du av å sjå på det?

• Fekk du ei anna forståing av skulpturen etter å ha sett filmen der kunstnaren fortel om han?

• Forsøk å forklare bodskapen i skulpturen ved hjelp av det du har komme fram til i analysen. Kan han tolkast og forståast på fleire måtar?

Samanfatt

• Samanfatt kva Ahmed Umar uttrykker gjennom skulpturen sin.

• Viss du vil ta med om du liker skulpturen eller ei til slutt, bør du seie noko om kvifor.