Ahmed Umar

Filmar om Ahmed Umar

Laga for hand

Nasjonalmuseet laga filmen under (lengde 2:48) til ein presentasjon av kunsthandverk.

In God's hands – I Guds hender

Ahmed Umar flykta frå Sudan på grunn av legningen sin. No vil han bruke kunst til å skape endring i heimlandet. I filmen under (lengde 8:18) møter vi han på utstillinga In God's hands på Hå gamle prestegard på Jæren i 2021. Her stilte han ut The Revolutionary Women of Sudan – The Kandakas, som betyr "Dei revolusjonære kvinnene i Sudan – Kandakaene". Her bruker han portrett til å få fram korleis kvinner har kjempa og bidrege til samfunnet i Sudan.

Han viser òg fram skulpturar frå Glowing Phalanges: Prayer Beads, som betyr "Glødande fingerledd: bønneperler". Desse skulpturane er laga av materiale frå afrikanske suvenirar. Han bruker bønneperler som eit symbol og reflekterer over religiøs og kulturell tilhøyrsel.

Drakt og identitet

I filmen under (lengde 5:14) fortel Ahmed Umar om korleis han har designa si eiga drakt. Han ønskte å vise tilhøyrsel til både norsk og sudansk kultur. Samtidig var det viktig for han å vise respekt for handverket og tradisjonane.

Fordjuping

Du kan lære meir om Ahmed Umar og kunsten hans i ein episode av serien Kunstnarliv på NRK (lengde 39:55). Her møter du han saman med venn og mentor Lotte Konow Lund. Vi får mellom anna følge litt av prosessen hans med å skape dei 33 skulpturane som inngår i Glowing Phalanges: Prayer Beads.