Lag eit salskurs for bedrifta di

Førebuing

Du kan førebu deg ved å lese deg opp eller repetere innhaldet i desse artiklane:

• Fasane i salsprosessen

• Det indre salsmiljøet

• Det ytre salsmiljøet

• Salskanalar

• Meirsal

• Gjensal og CRM-system

I tillegg kan du finne relevant informasjon om bransjen, verksemda, produkta og målgruppa til bedrifta du vel.

Oppgåve

Del 1: Fagleg notat og planlegging

Lag eit skriftleg notat der du planlegg innhaldet i salskurset ditt. Notatet skal dekke følgande:

1. Salsprosessen og salsteknikkar

   • kva dei tilsette må gjere i planleggingsfasen, og kva produktkunnskap dei treng

   • korleis dei skal opptre i kontaktfasen, og kva for salsteknikkar som eignar seg best for verksemda di

   • korleis dei skal kartlegge og analysere behovet til kunden (Kva slags spørjeteknikkar er eigna?)

   • korleis dei bør argumentere for og demonstrere produkta som best dekker behovet

   • kva som er gode salsteknikkar for å avslutte eit sal

   • korleis dei bør følge opp kunden i etterkant for å sikre ei god kundeoppleving og framtidig gjensal

2. Det indre og ytre salsmiljøet

   • korleis det ytre salsmiljøet (til dømes fasade, vindaugsutstilling eller digital synlegheit/landingssider) skal utnyttast for å tiltrekke kundar og skape eit godt førsteinntrykk

   • korleis det indre salsmiljøet (til dømes layout, belysning, vareplassering/planogram eller navigasjon i nettbutikk) skal legge til rette for god kundeflyt og trivsel

3. Tiltak for meirsal og bruk av salskanalar

   • korleis dei tilsette kan bruke både salsteknikkar og salsmiljøet (til dømes plassering av impulsvarer eller relaterte produkt) til å skape meirsal

   • korleis bedrifta kan utnytte salskanalane sine (til dømes butikk, nettbutikk, sosiale medium) for å fremme salet

4. Praktisk øving: Rollespel

   • Lag ein konkret case for eit rollespel som dei tilsette skal gjennomføre på kurset.

   • Beskriv rollene (til dømes seljar og kunden) og situasjonen (til dømes avdekking av behov, handtering av innvendingar eller gjennomføring av meirsal).

   • Forklar kva dei tilsette skal evaluere eller gi kvarandre tilbakemelding på etter øvinga.

Del 2: Kurspresentasjon

Lag sjølve presentasjonen som du skal bruke når du held kurset for dei tilsette.

• Presentasjonen kan du lage i Microsoft PowerPoint eller eit anna verktøy du har tilgjengeleg.

• Tips: Dersom du bruker PowerPoint, kan du gjerne spele inn lyd/forteljarstemme direkte på lysbileta dine for å vise korleis du vil gjennomføre kurset i praksis.

• Du kan òg velje å lage kurset som ein instruksjonsvideo dersom du ønsker det.

Del 3: Gjennomføring i klassen

• Du skal halde salskurset (eller utvalde delar av det) for ei gruppe medelevar.

• Du leier klassen gjennom rollespeløvinga du har laga, og styrer evalueringa/tilbakemeldingane i etterkant.