Oppgåve
Video
Håranalyse og dialog
Alle menneske har ulike ønske og behov når det gjeld val av frisyre. Øv på å finne ut kva slags hårtype kunden din har, og kva råd du vil gi ut frå det. Eit analyseskjema er eit godt verktøy når du skal undersøke kvalitetane på håret og behovet til kunden.
Film om kundekommunikasjon
I filmen under (lengde 3:21) får vi sjå korleis ein frisør kommuniserer med kunden sin.
Video: NRK / CC BY-SA 4.0
Del 1: Undersøking og dialog
Gå saman to og to. Byt på å vere kunde og frisør.
Undersøking
Kunden sit på ein stol, medan frisøren står. Frisøren går gjennom heile håret for å undersøke kva slags hårtype kunden har. Kjenn etter og beskriv korleis håret kjennest ut:
- Er det glatt?
- Er det mjukt eller hardt?
- Er det tjukt eller tynt hår?
- Er det lyst eller mørkt?
- Korleis kjennest hårstråa ut?
Dialog
Medan du undersøker håret, skal du ha dialog med kunden. Finn ut kva kunden din har gjort med håret sitt tidlegare. Er håret langt, må du òg finne ut kva som er gjort dei siste åra.
- Er håret farga?
- Er håret stripa?
- Har håret fått anna behandling?
Rettleiing
Det viktigaste spørsmålet er:
- Kva ønske har kunden?
La svaret på dette vere utgangspunkt for råda du gir:
- Kva slags frisyre kan passe denne kunden?
- Kva type behandling tilrår du til kunden sin hårtype?
Del 2: Fyll ut analyseskjema
Bruk informasjonen frå del 1, og fyll ut analyseskjemaet.
- Analyseskjema(DOCX)
- Analyseskjema(PDF)
Relatert innhald
Ansiktsform og frisyre
Forma på eit ansikt varierer frå person til person og er med på å bestemme kva frisyrar som passar.