Fag

Fagstoff

Film

Formal stilform

Blomsterarbeid i formal stilform har store, klare kontrastar og få plantemateriale som framhevar kvarandre. Formal stil har eit enkelt formspråk, er asymmetrisk og har ein uregelrett rytme.

Film om dekorasjon i formal stilform

Ein blomsterdekoratør lagar ein dekorasjon med ulike typar greiner, raude hanekamblomstrar og eit stort gulna blad i filmen under (lengde 4:24).

Film: Jarle Sten Olsen / CC BY-ND 4.0

Blomsterbukett. Foto.

Kjenneteikn på formal stilform

Typiske kjenneteikn på denne stilforma er

strenge og reine former
asymmetri
uregelrett rytme
få sortar og klare kontrastar
inga ytre geometrisk form
at alle materialeigenskapane er like viktige

Film om en høg, enkel dekorasjon

I filmklippet frå NRK (lengde 3:01) lagar ein blomsterdekoratør ein dekorasjon i formal stilform.

Ein blomsterdekoratør lagar ein dekorasjon i formal stilform med allium, ulike typar strå, steinar og ståltråd. Film: NRK / CC BY-SA 4.0

Stilhistorisk utgangspunkt

Formal stilform har utspringet sitt i funksjonalismen. Stilen er inspirert av arkitektur med klare former og tydelege kontrastar. Som blomsterdekoratør kan du lage arbeid som forsterkar eit minimalistisk uttrykk i arkitekturen og i interiøret. Formspråket skal vere enkelt.

Blomsterdekorasjon. Foto.

Relatert innhald

Funksjonalismen

Funksjonalisme er ei stilretning innanfor arkitektur, byplanlegging og kunstindustri. Idealet er eit enkelt formspråk, der form skal følgje funksjon.

Det minimalistiske formspråket blir kjenneteikna ved at det er enkelt. Objekta er gjerne bygde opp av rette linjer, reine flater og geometriske former.