Fag

Emne

Helse, miljø og sikkerheit

Oppgåve

Video

HMS i praksisbedrifta mi

Eit godt arbeidsmiljø som er trygt, forsvarleg og miljøvennleg, er noko alle ønskjer. For å setje dette i system har styresmaktene laga ei HMS-forskrift som alle bedrifter må følgje. Som praksiselev må du setje deg inn i forskrifta og sjølv bidra til eit godt arbeidsmiljø.

Kva er viktig for at du skal trivast på jobb? Video: Statens arbeidsmiljøinstitutt (STAMI) / Avgrensa gjenbruk

Oppgåve 1 – helse, miljø og sikkerheit (HMS)

Kva inneber HMS i praksisbedrifta di?
Kva er det spesielt viktig at du som praksiselev set deg inn i, og korleis skal du bidra til at bedrifta følgjer HMS-forskrifta?

Tips

Spør leiaren din kva HMS inneber hos dykk, og noter ned det viktigaste frå kvart område.
Spør leiaren din kva det er spesielt viktig at du set deg inn i og bidreg med.

Korleis opplever du innhaldet i arbeidet ditt og samhandlinga med kollegaene dine? Video: Statens arbeidsmiljøinstitutt (STAMI) / Avgrensa gjenbruk

Oppgåve 2 – det psykososiale arbeidsmiljøet

Beskriv det psykososiale arbeidsmiljøet i praksisbedrifta di.

Tips

Beskriv korleis du blir inkludert. Eller beskriv korleis du ikkje blir inkludert, dersom det er slik du opplever det.
Korleis føler du deg sett og høyrd?
Korleis ser det ut som om kollegaene dine har det på jobb?
Kva kjenneteiknar ein god leiar, og korleis vil du beskrive leiaren din? Kva gjer leiaren din god eller mindre god?
Korleis er opplæringa di?
Føler du at du får god opplæring? I så fall på kva måte?
Korleis varierer arbeidsoppgåvene dine?
Får du tilbod om vidareopplæring, kurs eller samlingar? I så fall kva?
Opplever du at det er ei framtid for deg i praksisbedrifta di?
Kva gjer leiinga for å sikre eit godt arbeidsmiljø i bedrifta?
Kva forslag har du til å gjere arbeidsmiljøet endå betre?
Kva betyr eit godt arbeidsmiljø for deg?
Kva betyr eit godt arbeidsmiljø for bedrifta, og kvifor er dette så viktig?
Kva kan skje dersom arbeidsmiljøet ikkje er bra?

Forrige Tilbake til emnet