Arbeidsoppdrag
Start og stopp av trefasa asynkronmotor utan kontaktor (STI 2)
Den enklaste måten å starte ein asynkronmotor på er å bruke ein manuell motorvernbrytar.
Trefasa asynkronmotor. Bilete: Magnar Lynglund / CC BY-SA 4.0
For å starte asynkronmotoren bruker vi eit motorvern med innebygd start/stopp-brytar. Vi koplar då opp berre hovudstraum i kretsen.
Komponentane i kretsen er sikring, motorvern og motor. Vi startar motoren ved hjelp av brytaren på motorvernet.
I industrien kan denne løysinga brukast når ein ikkje treng tilbakemelding frå styring av motoren. Løysinga kan til dømes brukast på enkle pumper og vifter som skal gå heile tida.
I dette arbeidsoppdraget skal du installere ei enkel start- og stoppløysing i form av ein motorvernbrytar i ein trefasa 230 V asynkronmotor.
Dette er dokumentasjon som skal vurderast og leverast til lærar:
- hovudstraum (start med ein kladd)
- arrangementsteikning
- funksjonsbeskriving
- rekkjeklemmetabell
- montere opp utstyret
- kople opp hovudstraum og styrestraum
- teste og setje i drift utstyret saman med lærar
- dokumentere, vurdere og kontrollere arbeidet ditt
Verktøy du kan få bruk for
- avbitartong
- kabeltong
- nitetong/endehylsetong
- ulike typar skrujern
- multimeter
- straumtong
Døme på skjema over hovudstraum for manuelt motorvern
Manuelt motorvern. Bilete: John H Vijzelaar / CC BY-SA 4.0