Dah bovresne minnieh
Daesnie lïerh
Her lærer du
å skrive en handleliste
å snakke om en handletur
Lohkh jïh goltelh
Piere, Nejla jïh aajkohke Sööfe bovresne minnieh beapmoeh åestedh.
Goltelh soptsestallemem jïh tjaelieh mah datne måjhtah mah dah åestieh.
Goltelh ikth vielie jïh lohkh soptstallemem.
Bovresne
Bovresne
Nejla: Manne munnieh jïh pearah veedtjem.
Piere: Jïh manne peara-jaavvoem, gïhpem jïh löökh veedtjem.
Nejla: Edtjem saelhtieh jïh peehperh gaavnedh?
Sööfe: Ibie daarpesjh saelhtieh jïh peebperh åestedh. Dah hæhtjosne gujht gååvnesieh. Men daarpesjibie laejpiem, voejem, vuastam jïh mielhkiem. Manne dejtie veedtjem. Piere, veedtjh vielie kroenes-aath enn ajve löökh.
Piere: Mah kroenes-aath dellie? Kåale? Viskes-roehtsh?
Sööfe: Mov mielen mietie viskes-roehtsh buerebe kåaleste, juktie ibie daarpesjh dejtie voessjedh jis ibie sïjhth. Spinaath jïh tomaath aaj hijven. Dejtie maehtebe dovne salaatine byöpmedidh jïh omeledtine bissedh.
Nejla: Man væjsehke ussjedamme, Sööfe. Manne viehkehtem kroenes-aatide ohtsedidh. Tjoerem laejpiem namhtah glutene aaj mujhtedh.
Piere: Nejla gujht muerjieh gilmehtahkeste meatan vaalteme. Dovne jokngh, sirrieh, tsihtseht-muerjieh jïh laadtegh.
Sööfe: Åå, man njaelkies! Datne aaj væjsehke ussjedamme, Nejla. Ibie daarpesjh maam joem minngiebeapmojne åestedh.
Nejla: Men kaanne soeksh daarpesjibie jis edtjebe håagkodh?
Piere: Nov sån. Jöödtedh, mijjen voessh eevre dïeves sjidtieh.
Sööfe: Manne vaaroej åvteste maaksam. Dan mænngan åadtjobe vuejnedh man dovres sjædta.
Nejla: Edtjem dutnjien vippsadidh.
Sööfe: Hijven. Jïh datne aaj, Piere.
Piere: Jaa hævvi!